واصل  اولياء  امور  وطلاب  الثانوية العامة  والمدرسون  اعضاء  جروب غرفة  عمليات  الجمهورية اونلاين  للامتحانات    عبر التليجرام مناقشاتهم  وحواراتهم  وتبادل  الاراء  حول  الموضوعات  المرتبطة بالعملية  الامتحانية ..موجهين  شكرهم الخالص  للكاتب  الصحفي  عبد النبي  الشحات  رئيس  تحرير  الجمهورية اونلاين   والقائمين  علي  ادارة الجروب لنشر كل مايدور  علي لسانهم   من افكار  وملاحظات  ورؤي  ومطالب  دون  تحريف  ولا  تدخل  ..

طرح   الاعضاء  اليوم  موضوع  نماذج  الامتحانات  الاسترشادية  للثانوية العامة  ومدي  حاجة الطلاب  للتدريب  عليها  وهل فعلا  هي ضرورية   لهذا  الغرض   ام  ان  هذه  المطالبات  تهم  اكثر مدرسي  اادروس  الخصوصية   الذين   يستخدمونها 
في  تنظيم  المراجعات  النهائية  ومراجعات   ليلة الامتحان  ويتكسبون  من ورائها  الكثير  وباستسلام  واضح  من  الطلاب  واولياء  امورهم الذين  يلهثون  وراء  معرفة  اي  اجزاء  من الاسئلة  قبل  دخول الامتحان طرحت  رشا عبدالله استفسارها  عن  
مصدر اسئله الامتحانات  ومستواها
وعدد الاسئله فى كل ماده ومدى مناسبتها لوقت الامتحان
مؤكدا  ان  عدم السماح بكتابة الملاحظات بالكتاب المدرسى عكس اللى  اتعودنا عليه فى اولى و ٢ ثانوى ...
وردت  رنا علام انا مدرسه ساينس و درست سنوات عديده كيمستري ثانوي لغات وانترناشيونال 
المنظومه التعليميه حاليا اهدافها واضحه و هي اضافه التكنولوجيا اللي احنا هنا في مصر متاخرين فيها جدا 
وثانيا اعتماد نظام الفهم بدل الحفظ والتلقين 
في خلال سنوات عملي مع ثانوي كنا بنعمل امتحانات بغرض تحديد الاستيعاب و استيعاب الماده العلميه بطريقه اكثر احترافيه و تدريبهم علي التفكير 
و حل الاسئله من اول البسيط الي المعقد 
و ده بيحصل سواء في امتحانات او طرق الشرح والتطبيق في النظام المدارس ال  ib الجديد 
فكره ان ازاي اخلي الطالب مهتم بالماده العلميه و استيعابها و فهمها اكتر ما اقعد اشغله بما يجب يحفظ ايه و شكل الامتحان ازاي عشان الدرجات 
و كل ما اتدرب الطلاب علي اسئله متنوعه و جديده و مختلفه في المستويات كل ما كان ادائهم افضل في التالي 
و اخر دفعه كنت معاهم ماشاء الله اتخرجوا من طب و صيدله و هندسه و بمستوي ممتاز

الوقت ده وقت تشجيع مننا للاولاد انهم يذاكروا و يحلوا اكتر و يتدربوا و يكونوا مستعدين 
الطالب المذاكر الذكي اللي هيستعد لاي نمط من الاسئله هو ده المطلوب 
و مفيش حد بيجتهد و يذاكر و مجهوده بيروح
احنا من زمان كلنا بنشتكي من التعليم و نقول بره فيه كذا وكذا 
دلوقتي لما نلاقي تطوير بيحصل مفروض ندعم و نشجع ونساعد 
و طبعا اعذر وحاسه بقلق اولياء الامور لاني كنت طالبه في يوم و علمي و كنت عارفه كميه القلق والتوتر اللي الطالب والاهل بيعيشوه

اضافت  نصيحه مني اخت لأولياء الأمور أشغلوا بالكم رقم واحد بالمذاكرة و التدريب الجيد و بلاش توتروهم او تشدوهم في مشاكل هتاثر عليهم  

اما  نشوي مصطفي 
ولية  امر فقالت 
انا طبعا مقدره قلقنا كلنا على مستقبل اولادنا.
لكن ممكن سؤال لو النماذج نزلت كده هنرتاح ؟
معتقدش لأننا ببساطه نسينا المغزى الحقيقى من المنظومه الجديده الابتكار والتحليل والبحث. يعنى النماذج هتكون كل البعد عن الحقيقه زى نماذج اولى وتانيه ثانوي . احنا مش زى زمان ايام ما كان فى نماذج تنزل فى الجريده  وتانى يوم نلاقى نص الامتحان منها.
اوضحت الكل بيشتكى من تعدد الكتب والأسئلة الخارجيه احنا ليه مشتتيين نفسنا كده علي  فكره المدرسين فعلا هم السبب .
فى تقديم النصح والإرشاد لينا لأولادنا المفروض هم همزه الوصل بينا .
انا عن نفسى ومن غير تعميم منعا لأى هجوم شايفة أن كل المطلوب منى أوجه  وانصح ابنى يذاكر من كتاب أو كتابين ويتابع مع المدرس زى اى عام عادى جدا .
عايز يطمن فى مراجعات بتنزل على موقع النت تبع الوزاره  ومراجعه ليله الامتحان جميلة جدا .
مش لازم نشتت نفسنا ونجيب كل الكتب واتنين مدرس فى الماده وحصص مصر ومدرستنا ومباشر ومدرس اون لاين لازم  نركز على هدف اولادنا وبلاش تشتيت.
وبدل ما عمالين نهاجم نطلب منهم أنهم يكملوا المنصات ودى طبيعى أن يكون فيها خلل بالله عليكم شوفوا العالم كله حوالينا وشوفوا احنا الحمد والشكر لله حالنا ازاى نستهدى بالله وان شاء كل حاجه هتكون تمااام .
اولادنا فى ايد امينة .
مستحيل الى بيحصل ده والى بيحاولوا يوصلونا لمرحله اليأ س أن مفيش تعليم والتعليم باظ وان حتى لو ذاكرنا مفيش فايده كل ده إن كان ما هو إلا ارهاب فكرى فشلوا يحاربونا بالاسلحه بقوا يحاربونا فى عقولنا . الدنيا ابسط من كده يا جماعه خلوا عندكم ثقه احنا اولادنا ناجحين عشان عندهم ثقه فينا بينفذوا تعليماتنا طيب احنا لو عندنا ثقه فى كل العقول إلى مكثفه كل مجهودها عشان اولادنا هننجح.
اختلاف الرأى لا يفسد للود قضية
قالت نهي حجازي 
ولية امر  انا متابعه بنتي في تالته ثانوي اللي انا ملاحظاه ان في تسابق في وضع الاسئله  بمدي صعوبتها  في الكتب الخارجيه بمعني الكتاب الخارجي يتشهر لو أسئلته صعبه جدا جدا  ناهيك حضرتك بقي علي اسئله المنصات  حاجه كده تجيب احباط للطالب  لانه بيفكر لو جه السؤال ده الوقت مش حيكفي حله وايضا توتر الطالب في الامتحان حيخليه ميعرفشي يحل حاجه  انا مش فاهمه  ليه  ليه الوضع ده  اولياء الامو ر

اما د. اماني كامل  ولية امر  فاقترحت   ان تقوم  الوزارة بتحديد  منصة واحدة فقط خاصة بالمراجعات في خلال الشهر المتبقي وتكون عبارة عن اسئلة واجابة وليس شرح ،خلاص عندنا منصات كتيييير للشرح،،محتاجين اسئلة واجابة على الطريقة اللي هيجي بيها الامتحان.

مش باقول تنزل اسئلة ونحفظها عشان ماحدش يقول هنرجع للحفظ رغم ان الامتحانات طول عمرها بتعتمد ع الفهم محتاجين طمئنة من المركز  القومي للامتحانات انها وضعت  لو كانت بالفعل ووضعت تُراعي جميع المستويات ،،تراعي مستوى طالب وليس استاذ جامعة.

ولو افترضنا أن النموذج لم ينزل مثلا فهل هذا يؤثر على المضمون ، بمعنى 
ما فائدة أن ينزل نموذج واثنين وعشرة لطالب مش مذاكر ؟ 
وعلى العكس تماما  ما مشكلة عدم وجود نموذج لطالب مذاكر كويس والمفروض أنه جاهز لاي سؤال بأي شكل كان وإلا يبقى كدة  مش مذاكر ، 
يا جماعة المذاكرة مش اني احفظ الكلام 
المذاكرة اني افهم المضمون فابالتالي لو جاء السؤال بأي شكل أو كيفية ، فالطالب يكون جاهز للإجابة عليه ، وهنا تقاس القدرات لكل طالب وده اللي بيفرق من طالب لطالب ، 
مواصفات الامتحان مش هتفرق بالنسبة للطالب المذاكر .

قال  عبد الحميد شعيب 
مواصفات الامتحان
نفس مواصفات الامتحان اللي امتحنوه في أولى وتانية ثانوي ونفس الأسئلة اللي موجودة كثيرة جدا في بنك المعرفة والكتب الخارجية وملازم المعلمين والسناتر 

اضاف كل ما يخص الصف الثالث الثانوي مكانه معروف لكل الطلاب  يعني روابط خاصة بأولى وروابط خاصة بالثاني الثانوي وروابط خاصة بالثالث الثانوي  والطالب اللي معاه التابلت من ثلاث سنوات يعرف ذلك جيدا