رئيس مجلس الإدارة
طارق لطفى
رئيس التحرير
أحمد سليمان
رسالة الوجوه الشابة للمخرج رؤوف عبدالعزيز
الممثلة الشابة ريم المصرى التى تشارك بمسلسل(الطاووس).. كتبت بوست على صفحتها الشخصية باسمها واسم الوجوه الشابة التى تعمل بالمسلسل يعبرون بها عن مشاعرهم للمخرج رؤوف عبدالعزيز ..قالت ريم المصرى:
أستاذ رؤوف عبدالعزيز..
في مخرجين كتير مؤخراً بيقدموا وجوه جديده وشباب .. بس على أرض الواقع أو اللي شوفته بعيني حاجه تانيه .. لما يبقى مخرج من أهم مخرجين مصر مؤمن إيمان كامل بمجموعة من الشباب شافهم على خشبة المسرح ف هو هنا مش مجرد مخرج بيقدم وجوه جديده .. لا هو كمان بيديهم ثقة في نفسهم وأمل و تشجيع رهيب ماشوفتوش من حد تاني لحد دلوقتي ..
شخصياً بقى أستاذ رؤوف هايفضل بالنسبالي أول وأهم حد في الوسط كله آمن بيا ووثق ف موهبتي و اداني فرصه حقيقيه من أول مسلسل سيف الله اللي ماتمش استكماله للأسف لحد مسلسل الطاووس اللي مكسر الدنيا كلها
حقيقي كلمة السر هي المخرج .. شغف وحب وطاقه وكل حاجه الممثل بيدور عليها هيلاقيها في الأستاذ
بحب حضرتك جداً يا استاذي واخويا وفرحتي مش سايعاني اني بشارك بجزء بسيط جداً ضمن نجاحك الكبير .. واتمنى اكون دايماً زي مابتشوفني وأحسن وبتمنى لحضرتك كل الخير ونجاحات اكبر جايه كتير .
رؤوف عبد العزيز .
اترك تعليق