خروج نجيب وغزال غادة من المنافسة

بعد اسبوعين من العرض جاءت أراء الجمهور صادمة لبعض الأعمال الدرامية التى تعرض خلال شهر رمضان ، بعد أن عزف الجمهور عن متابعتها، وسقطت عمدا من متابعته فيما حرص على متابعة أعمال بعينها جذبته إليه بتميز عناصرها الفنية..  الجمهورية أون لاين استطلعت آراء الشباب لمعرفة الأعمال التي نالت تقديرهم وإعجابهم ..

يقول بولا رأفت "موظف" : بالنسبة لمسلسلات رمضان  ، حرام العدد ده  كله  ينزل فى موسم واحد ، بحيث  في مسلسلات هتبقى نسبة المشاهدة بتاعتها كتيرة ومسلسلات هتبقى نسبة مشاهدتها قليلة جدا و تتظلم.

المفروض ان السيزون ده يتقسم عشان كله ياخد حقه ، على سبيل المثال  مسلسل ضل راجل مش واخد حقه بس قصته جميلة جداً، ياسر جلال مبدع جداً بيقدم ازاي واحد بيحب مراته وشاريها جداً  وبيقدملها كل حاجة بيمثل قصة انسانية عالية جداً ،مسلسل  بين السما والأرض  لهاني سلامة  قصته مش بطالة بس برضو مش واخد حقه ،مسلسل  الطّاووس  بيقدم قصة انسانية عالية جداً بس مش واخد حقه ،واعمال كتيرة جداً عشان مش نجوم شباك مش واخدة حقها.

الأكثر متابعة
شريف حلمي فريد مدير إحدى القنوات الفضائية  :
المسلسلات الأكثر متابعة الاختيار 2،نسل الاغراب ، وهناك عدد من الأعمال الدرامية لم يشاهدها الجمهور بشكل قوى مثل مسلسل اللي ملوش كبير ، بين السماء والارض،احسن اب ،لحم غزال،نجيب زاهي زركش  والسبب قلة الدعاية ولم يحققوا نجاحا بالشارع المصري ، ومسلسل  الاختيار 2 محقق أعلى مشاهدات حتى الأن. 

اسلام الزعبلاوي  محاسب :
أرى ان المسلسلات اللي محققه مشاهده لحد الان هي نسل الأغراب ، و الاختيار،  و ممكن موسى   بس طبعا مش بنفس قوة محمد رمضان لانه فقد مشاهدات كتير بسبب مشاكله الأخيرة ، و علي المستوي الكوميدي انا شايف ان الكوميديا قليله جدا هذا الموسم  ،وممكن نقول مسلسل أحسن أب لعلى ربيع جيد 
ومنتظرون مسلسل كوفيد ٢٥ و عالم موازي يمكن يكونوا افضل ، ولكن هناك مسلسلات لم نسمع عنها نهائيا مثل مسلسل كله بالحب..  لحم غزال . بين السماء والأرض.

متكلفة
يقول محمد عماد  موظف:
 في مسلسلات ماكانش وقتها تنزل دلوقتي زي مسلسل ين السما والأرض والطاووس، نجيب زاهي زركش ،كان ممكن تنزل بعد رمضان عشان في مسلسلات متكلفة وشغل جامد وتقيلة زي  الاختيار٢ ،و هجمة مرتدة.

قصص قصيرة
يقول هشام فتحي سعود :  
مسلسل (بين السما والأرض) بطولة هاني سلامة ، مواعيده غير ممتازة لأنها في وقت رامز ونسبة قليلة تابعته ، والناس متابعة رامز ، كما لم أشاهد اعلانات  في القنوات التي تذعيه ، كما أننا كشعب مصر نتابع القصص الطويلة وليس القصة القصيرة فهو ١٥ حلقة .
وبالنسبة لمسلسل الطّاووس سمعت انه مسلسل يتحدث عن قيم ومبادئ واغتصاب وحاجات غريبة ،بس انا شايف مسلسل بين السما والارض له متابعون ولكن وسط ضعط المسلسلات هناك بعض الأعمال تظلم .

يقول أحمد البحيري موظف 
أرى أن دراما رمضان ظلمت مسلسلات كتير زي ، بين السما والأرض والمداح وأحسن اب  خصوصا انها بتنافس مسلسلات زي الاختيار 2ونسل الأغراب وموسي  وكان ممكن يستنوا لبعد السباق الرمضاني وكانوا هيتشافوا اكتر.