بدأ مشواره الفنى من الصفر ونجح أن يقنع الجميع بموهبته حتى أصبح واحدا من نجوم الغناء ، ثم فاجأنا بموهبته فى التمثيل من خلال العديد من الأعمال التى حققت نجاحا كبيرا ، ونال إشادات من الجميع ، وأصبح ضيفا دائما على جمهور الشاشة الصغيرة  ، بعد النجاح الذى حققه خلال السنوات الماضية ، وبرزت موهبته في تجسيد  العديد  من الإدوار الصعيدى والسيناوى ورئيس المباحث وأدوار الشر، أنه الفنان محمد دياب الذى طل علينا هذا الموسم الرمضانى بشخصية جديدة من خلال مسلسل "نسل الإغراب"

الجمهورية أون لاين تحاوره خلال السطور التالية ..

في البداية طمننا عليك وأسرتك بعد اصابتك بفيروس كورونا ؟
الحمدلله رب العالمين الله يسلمك يارب ، وتجربة صعبة جدا ربنا مايوريها لحد شوفنا أيام صعبة جدا جدا بس الحمدلله عدت بسلام ،والحمدلله كنت قد أنتهيت من تصوير مشاهدى فى مسلسل نسل الأغراب بحوالي تلات ايام .

_ انطباعك عن ردود الفعل على دورك بالمسلسل؟
اللهم لك الحمد...دوري علي غريب اللي هو ظابط المباحث اللي بالقرية اللي عايشين فيهاوابن عمهم الاتنين عساف الغريب اللي هو أحمد السقا وغفران الغريب ابن عمه وجوز اخته واخوه عمدة البلد اللي هو الاستاذ ادوارد واخته جليلة اللي هي مرات أحمد السقاوأخت ادوارد بس اخوات من الأب بس وعلي غريب هو اللي بيمثل صوت الحق في الدراما اللي هو ميزان العدل مابين المتنازعين الاتنين الاستاذ السقا والاستاذ كرارة .

_هل قابلت ضابط مثل الغريب؟
اكيد طبعاً المؤلف يأتى بخياله من الواقع اكيد في ناس كتيرنفس شخصية على غريب يبحث عن الحق مهما كلفه الأمر ،  وبقابل ظباط مباحث كتير أصحاب حق  مثل علي غريب  فى نسل الأغراب .

ما حقيقة حرصك على التواجد في رمضان بشكل خاص؟ 
الحمد لله شرف لى أنى تواجد  فى العام الماضى بمسلسل الجزء الاول من مسلسل  الاختيار وقدمت أيضا مسلسل فرصة تانية، لكن الاختيار كان ابرز الادوار وحقق أعلى مشاهدات .

أيه الصعوبات اللي واجهتك في الأختيار1 ؟
دور الشيخ سالم من النقط المضيئة بالنسبة لي الحمدلله ومن الأدوار اللي انااتشرفت اني اعملها  شرف عظيم اني اشتغلت بملحمة الاختيار ومن الادوار الصعبة اللي خدت وقت على قد ماالدور قصير عشان كنت ضيف في ٣حلقات على قد ماكان عايز شغل وتحضير عشان اللهجة السيناوية كانت صعبة جدا بس الحمدلله بالمذاكرة والتركيز طلع بشكل عجب الجمهور .

بتشوف ازاي البطولات الثنائية والفردية ؟
انا بفضل  فى العمل البطولات الجماعية بشكل عام ان يبقى في اكتر من بطل اكتر من خط درامي ده في مصلحة الدراما و الجمهور اللي احنا بنشتغل علشانه في الاول والاخر ،كل ماكان الدراما فيها مساحات وشخصيات كتيرده بيبقى ممتع بالنسبة للمُشاهد،حتى نسل الاغراب الاتنين طبعا الرئيسين نجوم كبار وعظام بس هتلاقي جليلة وبكري وعلي والاستاذة فردوس يعني فيه خطوط درامية كتيرة وشخصيات كتير بتثري الدراما نفسها ،  المخرج محمد سامي  فى نسل الأغراب عامل القصة العمل ان مافيش حد بطل لوحده بس جوه المسلسل كلهم ابطال ،انا بالنسبة لي حتى لو مشهد فانا بطل في منطقتي .

اللهجة الصعيدية ازاي اتعلمتها هل كان في ملقن ؟
دي رابع تجربة صعيدية بالنسبة لي فبالتالي بقت سهلة، بدايتي كانت في ساحرة الجنوب وبعدها تجربة بالاب الروحي وبعدها تجربة٦٠ حلقة في مسلسل بحر ودي رابع تجربة الحمدلله،اما عن اللهجة الصعيدية فانا من امبابة منطقة شعبية وانا متربي في حارة فيها ٨ بيوت ٧منهم بيتكلموا صعيدي وانا راجل موسيقي مغني فاللهجة بودني استقبالي للكلام واللهجة بيكون اسهل من الشخص العادي حتى الحمدلله اللهجة السيناوية اتقنتها بشكل جيد الحمدلله ، اللهجة دي بتكون جزء كبير من مصداقية الشخصية بالنسبة لي  ..

_انت فنان شامل هل نقدر نقول ان التمثيل خطف دياب من الغناء ؟
لا خالص التمثيل ماخطفنيش بس انا عشان عندي مشاكل مع المنتج نصر محروس  وفي بينا نزاع قضائي اما يخلص ان شالله هابتدي اعمل حاجات تجارب غنائية حلوة باذن الله ..

طب نوعية المشاكل مع المنتج  نصر محروس؟ 
انا عقدي انتهى معاه وبعد ماانتهى هو رفع قضية ..مش هاتكلم في تفاصيل عشان هي في القضاء بس هو نزاع قضائي بينا فده مخليني متوقف عن الغنا ءبشكل او باخر .
_كتيرما يعرفش ان دياب من الناس اللي تعبت في حياتها وبدأت من الصفر ولا واسطة

انت شايف ان نجاحك اكثر قدام الكاميرا ولا كمطرب ؟
بصراحة النجاح اللي شوفته بالدراما مشوفتوش وانا مطرب كمطرب تجاربي الغنائية الناجحة اقل بكتير من نجاحي بالدراما وتواجدي بالدرامااكتر من تواجدي كمطرب حتى اكثر قيمة ..انا بحب اتفق مع ذاتي وده اللي شايفه صراحة .

_هل ممكن نشوف دياب بعمل درامي من بطولته ؟
ده مش متوقف عليا لان ده مش باختياري يعني انا السنة اللي فاتت عُرض عليا عملين او تلاتة بطولتي دراما طويلة  بس مافيش حاجة بتتناسب معايا فاعتذرت عنها،انا اللي بيحركني الدور ونوعه وانا فين وبشتغل مع مين الحاجات دي كلها بتحركني كفنان غير نوعية العمل والدور هل الدور ده هيفرق معايا بحياتي المهنية ولالا بس بطل او مش بطل دي مش حاجة صعبة ولابعيدة والحمدلله الواحد بقى عنده قاعدة جماهيرية تأهله يبقى بطل اول بس ده مش الطموح الاوحد عندي كل واحد بيبقى نفسه يتقدم بس انا الحمدلله في مكاني بتقدم مش خطوات قفزات الحمدلله لان ده ابقى ..

_شايف ازاي الاختيار ٢وهجمة مرتدة والقاهرة كابول ؟
انا بشوفها انها كتوعية جميلة جداا عشان احنا محتاجين اوي اعمال زي دي عن بطولات الجيش والشرطة والمخابرات .

_شايف ازاي الابداع والابتكار والفكر الجديد اللي بيقدمه محمد سامي؟
شايفه من أبرع المخرجين على الساحة الفنية وانا استفدت منه كتير جدا جدا واتمنى تكرار العمل معاه مرارا وتكرارا لانه هو مخرج مفيد لاي ممثل بيشتغل معاه ..

دياب : أزمتي مع محروس أوقفتى عن الغناء وإمبابة علمتني اللهجة الصعيدية | حوار

دياب : أزمتي مع محروس أوقفتى عن الغناء وإمبابة علمتني اللهجة الصعيدية | حوار

دياب : أزمتي مع محروس أوقفتى عن الغناء وإمبابة علمتني اللهجة الصعيدية | حوار

Previous Next