رئيس مجلس الإدارة
طارق لطفى
رئيس التحرير
أحمد سليمان
دياب لـ الجمهورية أون لاين: الضابط علي في نسل الأغراب "مش غريب".. وسعيد بالبطولات الجماعية
يطل علينا الفنان محمد دياب هذا الموسم الرمضانى بشخصية جديدة من خلال مسلسل "نسل الإغراب"..
وقال دياب لـ الجمهورية أون لاين :
الحمدلله انتهيت من تصوير مشاهدى فى مسلسل نسل الأغراب.
أما دوري علي غريب اللي هو ظابط المباحث اللي بالقرية اللي عايشين فيها وابن عمهم الاتنين عساف الغريب اللي هو أحمد السقا وغفران الغريب ابن عمه وجوز اخته واخوه عمدة البلد اللي هو الاستاذ ادوارد واخته جليلة اللي هي مرات أحمد السقا وأخت ادوارد بس اخوات من الأب بس وعلي غريب هو اللي بيمثل صوت الحق في الدراما اللي هو ميزان العدل مابين المتنازعين الاتنين الاستاذ السقا والاستاذ كرارة .
أضاف أن المؤلف يأتى بخياله من الواقع ، شخصية على غريب مش غريبة وأكيد في ناس كتير نفس شخصيته يبحث عن الحق مهما كلفه الأمر ، وبقابل ظباط مباحث كتير أصحاب حق مثل علي غريب فى نسل الأغراب .
وأكد دياب أنه يفضل فى العمل البطولات الجماعية بشكل عام ان يبقى في اكتر من بطل اكتر من خط درامي ده في مصلحة الدراما و الجمهور اللي احنا بنشتغل علشانه في الاول والاخر ،كل ماكان الدراما فيها مساحات وشخصيات كتيرده بيبقى ممتع بالنسبة للمُشاهد،حتى نسل الاغراب الاتنين طبعا الرئيسين نجوم كبار وعظام بس هتلاقي جليلة وبكري وعلي والاستاذة فردوس يعني فيه خطوط درامية كتيرة وشخصيات كتير بتثري الدراما نفسها ، المخرج محمد سامي فى نسل الأغراب عامل القصة العمل ان مافيش حد بطل لوحده بس جوه المسلسل كلهم ابطال ،انا بالنسبة لي حتى لو مشهد فانا بطل في منطقتي .
اترك تعليق