جماهير الاسماعيلى تساند ايهاب جلال وتتهم اللاعبين بالتقصير

اصداء هزيمة الاسماعيلى امام سيراميكا:

جماهير الاسماعيلى تساند ايهاب جلال وتتهم اللاعبين بالتقصير

القت هزيمة النادى الاسماعيلى امام سيراميكا بهدفين مقابل هدف فى الاسبوع الاخير من الدور الاول لمسابقة الدورى العام المصرى بظلالها على مدينة الاسماعيليه وجماهير النادى التى كانت تنتظر ان يحقق الفريق الفوز بعد تولى ايهاب جلال المسئوليه الفنيه للفريق ولكن استمرت الازمه والتخوف من المصير المجهول لنادى بحجم النادى الاسماعيلى والذى مازال يقبع فى المركز السابع عشر برصيد ١١ نقطه فقط .

* ايهاب جلال: ليس امامنا الا العمل
* مفاجأه : باهر المحمدى يغيب لمدة شهر جديد

ورغم حزن تلك الجماهير الا انهم اطلقوا حمله عبر السيويشيال ميديا ان الكابتن ايهاب جلال لايسأل عن هزيمة الفريق وان المدير الفنى وضح عمله خلال الشوط الأول ولكنه لا يمسك عصا سحرية ليغير الأمور مرة واحدة وليصلح ماتم إفساده فى اعوام فى يوم وليلة .. واكدوا انهم داعمين لإيهاب جلال حتى اخر الموسم لأنه مهما حصل فقد استنفذنا فكرة تغيير المدربين ولن يأتى أفضل منه فالكرة فى ملعب اللاعبين الآن وهم فقط من سيتم محاسبتهم الفترة القادمة.

وبالفعل هاجمت اعداد كبيره من الجماهير ومن داخل مجلس الاداره اللاعبين واتهمت البعض بالتقصير وعدم اللعب بروح من اجل نادى كبير يلعبون باسمه .. كما ان هناك اتجاه داخل الجهاز الفنى لاستبعاد خمس لاعبين فى الفتره القادمه لحين عودتهم لمستواهم

وقال:" ايهاب جلال المدير الفنى للاسماعيلى لا ادرى ماهو الانطباع بسبب عدم وجود جمهور ف الملعب اللاعيبه عملت مجهود كبير طول المباراة مش هقول الشوط الأول بس وماحدث هو تراكم حاجات كتيره في الفريق اولها عدم الثقة في انفسهم"

واضاف المدير الفنى ان الفريق محتاج توفيق وشغل ان شاء الله وارى ان الاستعجال والثقه انك وانت كسبان لازم تتقدم الموقف مش محتاج صبر ، بس محتاج شغل كتير عشان نطلع من الموقف المتواجد به الفريق.

واضاف:" لو الموقف كان كويس للفريق مكنتش هابقي موجود الا من اول السنه ومش هنتكلم عن الموجود وماذا حدث قبل كده ولكننا هنتعامل مع اللاعيبه الموجودين في الفريق ، فيهم لاعيبه كتير كويسه ولكن عدم الثقه مشكله كبيره لديهم وان فريق سيراميكا لم يقدم الافضل كى يستحق الفوز ولكنهم كان عندهم اصرار المكسب"

ووجه رسالة للجمهور قائلا: الله يكون في عونكم بس هنصبر وان شاء الله هنطلع مع بعض من الموقف ده احنا جايين نتحمل المسؤولية في الوقت ده عشان النادي مش عشان اي حاجه تانيه المهم ان تمر الفتره دي وبعدين نقول ايه ال يحصل او المفروض يحصل حتي لو كنا خارج النادى"

واكد ايهاب جلال ان التوقف بعد ماتش المصري سيكون فى صالحنا نحن الان تحت ضغط كبير ولازم اللاعيبه ال هتلعب تكون عارفه كده
واللى مَش هيدرك ده محدش هيلعب منهم( وال مش عايز يلعب مايلعبش ) والايام القادمه هنشوف مين ال هيقدر يلعب معانا وفوي لاعيبه هتبقي بعيده لحد ماترجع بمستواها للاحسن وقد ابلغت اللاعبين كل ال ف النادي بيفسر ان احنا عندنا ١١ نقطه في اخر الدوري.

ومن ناحيه اخرى يغادر مساء الغد الفريق الى الاسكندريه لاقامة معسكر استعدادا لمباراة المصرى فى الاسبوع الثامن عشر والتى ستقام باستاد برج العرب مساء الاربعاء القادم.. وفى مفاجاه علمت المساء ان اللاعب باهر المحمدى من الممكن ان يخضع لفترة علاج مره اخرى تستمر اكثر من شهر لعدم اكتمال شفائه وهو مايعكس حالة الاهمال التى كان عليها الفريق والنادى فى الفتره الماضيه من عدم متابعة اللاعبين المصابين وهم يعالجون خارج النادى.