رئيس مجلس الإدارة
طارق لطفى
رئيس التحرير
أحمد سليمان
"اتجوزنا عن حب 6 سنين".. صاحبة حفلة الطلاق تكشف لأول مرة التفاصيل الصادمة وراء قرارها
كشفت بهيرة منتصر صاحبة الـ20 عاما والتي قررت الاحتفال بطلاقها بوضع بالونات وتقديم الحلوى للمباركين لها من الصديقات والمقربات منها في حفل أقامته داخل منزلها، تفاصيل زواجها، وقصة الطلاق.
وقالت خلال حوارها ببرنامج "صبايا الخير" الذي تقدمه الإعلامية ريهام سعيد، على شاشة "النهار"، أنها تزوجت بطليقة بعد قصة حب طويلة منذ الصغر، وتزوجا بالضغط على أهلهما، ، مستطردة:" مكملتش دراستى في الجامعة بسبب الزواج والحمل.. عشنا قصة حب من 6 سنين.. كان عندى وقتها 15 سنة".
وواصل: ""أنا اتجوزت 18 سنة عن حب كبير وعيش وملح، وخلال سنتين جواز لقيت الشخص نفسه مش ده الشخص اللى اتعرفت عليه أصلا.. هو كان ابن الجيران.. اتجوزت سنتين وخلفت.. وعلى قد ما في أيام حلوة على قد ما كنتا بحس أنه مش ده الشخص اللى اختارته.. لكن للأسف عرفت الكلام ده بعد الجواز".
وحول الطلاق، قالت:" مكنش الشخص اللى ممكن أكمل معاه الحياة.. والعشرة في الزواج غير قبل الزواج.. أنا خدت قرار الانفصال بعد سنة وخمس شهور من جوازنا وكتير كلمته حتى قبل طلاقنا بيومين.. أنا فخورة إني مطلقة.. منحته فرص كثيرة ولكن بلا جدوى".
وتابعت: "حاولت استحمل عشان ابني كتير لكن كل مرة مكنتش بقدر لحد ما في يوم حصل خناقة بسيط وسيب البيت، وعرفت وقتها أنه كرر نفس الخيانة وده اللي مقدرتش استحمله".
اترك تعليق