رئيس مجلس الإدارة
طارق لطفى
رئيس التحرير
أحمد سليمان
- تعرف على الشروط والإجراءات المطلوبة عند تقديم طلبات حج القرعة لهذ
- الالتزامات والضوابط الواجب اتباعها بحج قرعة الداخلية لهذا العام
- الداخلية تعلن الفئات المحظور سفرها لأداء حج القرعة لعام 2027 والش
- تعرف على طرق سداد تكاليف حج القرعة لعام 1448 هـ /2027 م
- الداخلية تعلن البيانات المطلوبة لحج القرعة لعام 1448 هـ /2027 م
ارهاصات شاب شرقاوى 1
أم الشهيد
يوم مولدك قلبى إنقبض
قالوا لى ليه جيبتى الولد
هوا السند هوا العوض
حيشيل همومك للأبد
فرحت بيك يا إبن بطنى
ودنيتى زادت سعادة
حياتى بيك إتغيرت
أبوك كمان أخدك عباده
تلعب قصادى وأبتسم
وأخاف عليك لما تقع
أدعى و أصلى لربنا
تكبر و أعملك عيادة
معرفش ليه لما افتكر
مولدك قلبى يتخطف زيادة
معرفش ليه لما أشوفك
وشك منور فيه سعادة
يمكن عشان إبنى البكرى
و لا من كتر العبادة
حافظ القرآن يا بختك
هوا دا أصل الريادة
يلاآ يا إبنى نشوف عروسه
نفسى افرح يا إبنى بيك
إجتهدت وأخدت شهادة
يا إبنى أديت إللى عليك
أصل أخوك طالع وراك
والحال بسيط قدام عنيك
لا يا أمى لسه بدرى
لسه واجبى أبقى جندى
خلاص فى ورقى بقيت أجهز
نفسى يا أمى أحمى وطنى
شهر فاضل بالكتير
أروح يا أمى أسمع سلاحى
والله يا إبنى كبرت بدرى
وشلت همى وشلت حملى
ربنا يا إبنى معاك
قلبى راضى عليك وربى
خلاص يا إبنى جبت لبسك
حتمشى بكره يا إبنى بدرى
عمك و خالك مع ابوك
جايين يا إبنى يودعوك
خلى بالك من صحابك
إحفظوا يا إبنى بلادك
تروح وترجع بالسلامة
فى الصلاة يا إبنى دعيالك
شوفت نفسى فى المنام
جوا بيتنا فيه حمام
فيه فرح منصوب كبير
قالوا إيه دا عشانك
صحيت بسرعه من المنام
قلبى وآكلنى عشانك
صليت يا إبنى الفجر وأدعى
ورحت أسبح فى مكانك
بس قلقى مش طبيعى
قلبى بينبض وصوته عالى
فتحت بيتنا لقيت صحابك
وآقفين وخالك بيقول تعالى
وأبوك بيبكى فى حضن أخوك
و عمك بيهتف وصوته عالى
سألت صحابك إبنى فين
قالوا لى عند ربنا
إبنك بطل يا أم الشهيد
فى الجنه عايش فى الهنا
ضحى بحياته لجل الوطن
قال دمى فدا لأرضنا
بلغواأمى السلام وفى الجنة
منتظرك هنا
بقلم هانى القرعيش
اترك تعليق