شاهد حقيقة حفل زفاف لعروس حامل بالدقهلية.. صور وفيديو

تداول رواد موقع التواصل الاجتماعي "فيس بوك" عده فيديوهات وصورا على نطاق واسع لحفل زفاف بمحافظة الدقهلية ، بحضور عدد كبير من الأهالي والاصدقاء ما أثار سخرية عدد كبير من المتابعين لظهور العروس حاملا في الأشهر الأخيرة، ومرتدية ملابس الفرح، وكذلك الزوج والذي يحمل باقة الورد للعروس.

الزوجان: ده حفل نوع المولود

وعلق البعض بسخرية بأنها علي غرار فيلم "عوكل" في لقطة حضور الفنان محمد سعد، أحد الأفراح لعروس حامل، الأمر الذي شبهه البعض بتقليد الغرب ،ليخرج الزوجان لتكذيب ما يتردد في حالة من الغضب.

قال مجدي محمد، العريس: "الشهرة حلوة ونفسنا نبقى مشاهير بس بالحاجة اللي بنعملها والمحتوى اللي بنقدمه مش بقلة الأدب والخوض في الأعراض، أنا لحد دلوقتي مش فاهم اللي عمل اسكرين من فيديو أنا رافعه وواضح فيه جدا إحنا بنعمل إيه وإن دي حفلة بنعرف أصحابنا والناس اللي متابعنا فيها نوع الجنين، ويحرف الكلام ويألف قصة على مزاجه لمجرد إنها هتجيب لايكات أكتر من القصة الحقيقية، بيقول لنفسه إيه والناس اللي زي البغبان بياخدوا كوبي ويشيروا من غير ما حتى يعقلوا الكلام أو يفكرو لمدة دقيقة مع نفسهم بجد أنتم إيه؟".

ويضيف: "يا جماعة أنتو ممكن تخربو بيوت وتخلو ناس تنتحر وتعقدو ناس في عيشتها ربنا يهديكم أي حد يشوف بوست من اللي بيتريقوا علينا يحط البوست دا في عينه، شيرو البوست دا عشان الناس اللي مبتفهمش تفهم ومحدش يقولي أنت اللي متنزلش صورك".

وتابع: "بنزل صوري أنا مش صور حد تاني بالوضع واللبس اللي علي مزاجي، واللي عمره ما كان فيه أي ضرر أو إساءة لحد، الصورة من حفلة عملناها بعد سنتين جواز".

أما العروس آية مجدي، قالت: "كل الفيديوهات نازله على الانستجرام عندي هنا والانستجرام التاني عند مجدي، ونازله بشكل تدريجي وواضح إن دي حفلة نوع الجنين، الحمد لله هخلف " بنت" يقوم بقى الصفحات اللي نفسها تلم شوية لايكات يخدوهم سكرين ويكتبوا عليهم اللي على مزاجهم