رئيس مجلس الإدارة
طارق لطفى
رئيس التحرير
أحمد سليمان
تورتة راس السنه
مطبخ صابرين..تورتة الثلج لاحتفالات راس السنه للشيف امانى العمري
تقول الشيف امانى العمري مقدمة برامج الطهى بالإذاعة والتليفزيون بأن تورتة الثلج بسيطة وغير مكلفة لان كل مكوناتها متوفرة بالبيت ونحاول نعملها ونفرح اولادنا فى ليلة رأس السنة
أضافت امانى بأن كلنا محتاجين للحظة تفاؤل وبنتلصص وبنتسلط على اى حاجه تفرحنا ليه نقول Black forest اوبلاك فورست تعالوا نغير ونقول ونعمل مع بعض whait forest او وايت فورست
يالا نعملها كلنا فى ليلة رأس السنه الجديده نفرح ولادنا ونفرح بيتنا كفايه إللى احنا فيه اصنعوا الفرحه لولادكم وافرحوا معاهم اعملوا كل حاجه بأيديكم بحب هياكلوها بحب
تورتة whait forest او وايت فورست سهله جدا وبسيطه وكلها تفاؤل
تورتة الثلج اوwhait forest او الوايت فورست او تورتة الفانيليا الاسم إللى يعجبكم
المقادير
١/٢كيلو دقيق سبونج من اى سوبر ماركت او من عند محلات خامات الحلوانى او من عند محلات العطاره
٦ بيض
١/٢كوب ماء
ملعقه صغيره فانيليا سائله او ٢باكيت فانيليا بودر
ممكن اضافة مكعبات او قطع صغيره من الفا كهه المتوفره الى حشوة الكريمه مثل (موز او تفاح او فراوله او خوخ او كنتالوب او كيوى حسب المتاح عندك)وممكن الاستغناء عنها
للتزيين
٢ باكيت كريم شانتيه او ربع كيلو كريم شانتيه سايب خام بدون سكر
٣/٤كوب لبن مثلج
حبات كريز او فراوله اوحبات شيكولاته
شيكولاته خام مبشوره او جوز الهند مبشور
الطريقه
فى بوله كبيره نضع البيض والفانيليا ونشغل المضرب الكهربائي لفتين فقط ثم نضيف الماء مع استمرار الضرب نضيف الدقيق على دفعات
وتضرب لمدة ربع ساعه او حتى يتضاعف حجم الخليط
نضع الخليط فى صنيه مقاس ٢٨ او٣٠ مبطنه بورق الزبده بشرط يكون حروف الصنيه او جدارها عاليه لان الكيك هيرتفع ٣ اضعاف حجمه وأكتر
ندخل الصنيه فرن مسخن مسبقا على الشبكه فى النص ولا فوق ولا تحت فى قاع الفرن
على درجة حراره ٢٠٠ درجه او حسب درجة حرارة فرنك
لمدة ١/٣ساعه بدون فتح الفرن ثم تهدى الفرن لمدة ٥ دقايق
ثم تخرج الصنيه من الفرن تقلب على شبكه او كرتونه وتترك لتبرد تماما
فى بوله نضرب اللبن مع الكريم شانتيه جيدا
وتقسم الاسبونج إلى طبقتين او ثلاثه حسب الرغبه
توضع الطبقه الاولى ويوزع عليها كميه من الكريم شانتيه ثم الطبقه الثانيه وتوزع عليها أيضا كريم شانتيه ثم الطبقه الثالثه وتبطن التورته كلها بالكريم شانتيه
ثو يوضع باقى الكريم شانتيه فى كيس الحلوانى وتزين بوضع روزيتات او وردات على التورته داير مايدور ويوضع عليها حبات الكريز او الفراوله او اى تزيين تفضليه ممكن حبات شيكولاته وتبطن الجوانب يالشيكولاته المبشوره او المقطعه حسب الرغبه او ممكن بجوز الهند المبشور ويوضع باقى الشيكولاته المبشوره على منتصف التورته وبالهنا والشفا
ا
مطبخ صابرين..تورتة الثلج لاحتفالات راس السنه للشيف امانى العمري
مطبخ صابرين..تورتة الثلج لاحتفالات راس السنه للشيف امانى العمري
اترك تعليق