رئيس مجلس الإدارة
طارق لطفى
رئيس التحرير
أحمد سليمان
أم الشهيد
شعر: عيد حميدة
علمونا فى المدارس
تحيا مصر العربية
علمونا نقول يابلدى
انت أغلى حاجه ليا
أنت قلبى وانتى روحى
انت أحلامى وعنيا
من زمان النيل بيجرى
والتحيه هيه هيه
الصباح فل وريحان
والمسا خيرات هنيه
المسيحى بيشاركنا
عمره ماكان يوم ضحيه
هو ده الإسلام ونور
زاد فى مصر الإسلامية
خدمة المصرى لبلاده
فى الحياه أجمل تحيه
كان زمان بيقول تمللى
نفسى اروح ع الجهاديه
دا الدفاع عن مصر دايما
كان الشرف للمصراويه
لبس البياده عندنا
أفضل وسام فى العسكريه
عايزين شبابنا ينتفض
ويصون كما مصر الأبيه
دا الحياه من غير عمل
كلها ذل ودنيه
يمسح دموع المحتاجين
اللى شايلين القضيه
اللى أولادهم ف لحظه
ضحوا لحل الإنسانيه
نالوا الشهاده ف أرضنا
لجل ماتعيش الصبيه
ياأم الشهيد قومى افرحى
ابنك عريس ومعاه حوريه
عايش حياه أجمل وأحلى
من حياتنا الفانيه ديه
ابنك ياأمى وسط جنه
والنعيم حواليه عطيه
من عطاء رب العباد
اللى فى الفردوس هديه
الشهيد مالهوش حداد
الشهيد عايز تحيه
محتاج عرق محتاج صمود
لجل ماتعيش القضيه
جوه قلب الواد ياسين
اللى محبوبته بهيه
اترك تعليق