قدم الدكتور محمد محمد اسامة عيسي اخصائى الباطنة والغدد الصماء والشكر نصائحة  لحالات كورونا والمواطنين من خلال عمله  فى مستشفى ١٥ مايو للعزل أو فى إدارته مع مجموعات عمل لإدارة أزمة كورونا بالخانكة محافظة القليوبية.  

ويحرص الدكتور محمد على تقديم هذه النصائح للمواطنين للحفاظ على الصحة والوقت والمال  بعد الزيادة الواضحة فى حالات الإصابة كورونا. 

وأوضح الدكتور محمد انه للتعامل الصحيح مع الأزمة يجب تقسيم  حالات الكورونا إلى مجموعتين أولا  الشخص السليم   المصاب كورونا وصلت يا الشخص المصاب بمرض مزمن وأصيب كورونا.  

واوضح ان كنت  سليم و جائنتك  اعراض برد مش حتعمل حاجة غير انك تعزل نفسك حتى تنتهى الاعراض و بعدها بتلات ايام تفك العزل. 

وأضاف: "تاخد علاج علي حسب  الاعراض لو  فيه سخونية حتاخد مضاد حيوى اقراص و خافض حرارة ، كحة تاخد ليها دوا ، اسهال تاخد له دوا  الخ ، الكورونا ملهاش علاج شافي خاص بيها ، انت بتاخد علاج لغاية مناعة جسمك ما تقضي علي الفيروس احنا بس بنديك علاج يريحك من الاعراض انما بيه او من غيره حتخف باذن الله".

ويركز الدكتور محمد اسامة على نقطة هامة "مترحش تحلل علي طول لان الكورونا ملهاش تحليل خاص بيها ،

ويجيب الدكتور محمد على سؤال لماذا لا تحلل " لأنك حتروح تحلل و انت حالة اشتباه و بتاخد العلاج و برضه اما تطلع التيجة"التحليل ايا كانت سواء طلع فيها حاجة او لا حتفضل حالة اشتباه و برضه حتاخد نفس العلاج تصور) !!

 ويضيف "خد علاجك قيس الاكسجين في اي صيدلية او عند اي دكتور طلع تمام انت كده مش محتاج اي حاجة و خلاص عديت  ويؤكد "لو حسيت بس بضيق نفس او اكسجينك قليل ساعتها حتعمل اشعة مقطعية عشان نزود علاجك لتحسين التنفس و منع اي ضرر للرئة لا قدر الله غير كده متتحركش.

اما الجموعة الثانية أصحاب الأمراض المزمنة فيقول "لو  جتلك اعراض برد و انت عندك مرض مزمن سكر ،  قلب ، حساسية علي الصدر  

ساعتها محتاج تعمل مقطعية علي الصدر بس لازم يكون عدي علي الاعراض ٤ _٥ ايام علي الاقل ( لان قبل كده مش حيظهر حاجة في الاشعة ) و ساعتها حنزود ادوية زي الكورتيزون بمشتقاته و مضادات حيوية اقراص او حقن حسب الاشعة

و ساعتها بقي ( لازم تحلل ) و ممكن تعمل كذا تحليل لتقييم الحالة خاصة تحليل اسمه d_dimer

 عشان نعرف حنزود مضاد للتجلط ولا لا ..

 ويؤكد الدكتور أسامة على محاذير  معينة لأصحاب الأمراض المزمنة  "مفيش استخدام للجلسات لانه بينشر العدوى و لا يستخدم في المستشفيات  بالمناسبة ، لو الاكسجين قل بتحتاج تتحط علي اكسجين صافي و ده لا ينشر العدوي و بيفيد المريض اكتر من الجلسة.

مفيش مضاد تجلط من غير تحليل ، وده خاصة غلطة قاتلة و بشوف عيانين بينزفوا من كل حتة و ده بسبب انه خد مضاد تجلط من غير وصف طبيب او تحليل ويؤكد على نقطة هامة وهى ان  فقدان حاسة الشم غالبا عرض مميز جدا للكورونا انما مش ١٠٠٪ عندك كورونا اعزل نفسك و خد دواك .

ويختم الدكتور محمد اسامة اخصائي الباطنة والسكر والغدد الصماء على أمور يجب مراعاتها للجميع وهى الخلاصة ايه ؟

حسيت با لأغراض

_ اعزل نفسك

 _ استشير دكتور و  خد الدوا اللي وصفهولك

_كل كويس جدا .

_ اشرب سوايل كتييييير جدا ( الجفاف اخطر عامل بيضعف مريض الكورونا وبيزود طبعا فرص حدوث الجلطات ) .

_ راحة تامة .

_ البس ماسك لو حتروح الحمام او لو اضطريت تنزل و طبعا النزول غلط ( خاف علي الناس عشان ربنا يعديهالك علي خير ) .

ـ قيس الاكسجين ( ده كلمة السر و العلامة الفارقة في العلاج ) سلاح الدكتور لتقييم حالة الكورونا قياس

الاكسجين و الاشعة المقطعية و بنعملها فورا لو ظهرت اعراض تنفسية شديدة او انخفضت نسبة تشبع الدم بالاكسجين .

_ الماسك ( الكمامة ) اهم حاجة و ممكن تغنيك عن القلق ده كله .