رئيس مجلس الإدارة
طارق لطفى
رئيس التحرير
أحمد سليمان
متظلموش الجونة أنا بلوم نفسى.. ميس حمدان تكشف رحلتها مع كورونا من الإصابة للشفاء
قررت الفنانة ميس حمدان أن تشارك متابعيها تجربتها مع فيروس كورونا بعد تعافيها منه وذلك خلال لايف عبر حسابها الشخصي علي موقع تبادل الصور والفيديوهات "انستجرام".
وقالت ميس حمدان: "أنا الحمد الله اتعافيت من فيروس كورونا وكانت تجربة صعبة نفسيا اكتر من جسديا بكتير وبالنسبة للناس اللي بتكلمني و تقولي بسبب مهرجان الجونة فحرام عليكوا متظلموش الجونة، الناس كتر خيرها عملولنا مهرجان واهتموا بينا و لو هنلوم حد يبقي انا هلوم نفسي لاني كنت مهمله في اتباع الإجراءات الاحترازية".
وأضافت: "الأعراض بدأت معايا بصداع صعب جداا و مزمن مش بيروح و درجة حرارتي ابتدت تزيد و تقل و جسمي كله كان مكسر حتي بعد لما اتعافيت الصداع مازال مستمر ".
واختتمت قائلة: "ياريت الناس تاخد بالها لان الموضوع مش سهل و كانت تجربه صعبه جدا و خصوصا نفسيا لانك بتتعزل عن الناس أسبوعين و الافكار بتبدي تبقي صعبه نفسيا و قد ايه شكلي بقي وحش و الناس الكبيره مش هتستحمل التعب ده ".
يذكر أن عدد كبير من نجوم الفن أعلنوا إصابتهم بفيروس كورونا خلال الأيام القليلة الماضية بعد عودتهم من الجونة، ومنهم سارة عبد الرحمن، زينب غريب، ويجز، ومصممة الملابس ريم العدل ، آسر ياسين.
اترك تعليق