رئيس مجلس الإدارة
طارق لطفى
رئيس التحرير
أحمد سليمان
- لقطات نادرة لأسرى العدو فى حرب أكتوبر 1973.. فيديو
- الرئيس الإيراني يدعو لنقل العاصمة من طهران: "أصبحت ضرورة استراتيجية"
- هل استخدام الإيموجي في المحادثات الإلكترونية حرام؟ الإفتاء تجيب
- دوري أبطال أفريقيا.. موعد مباراة بيراميدز و الجيش الرواندي
- وصول بعثة الجيش الرواندي لمواجهة بيراميدز في دوري الابطال
فيه ناس اشترت تذاكر ومش هتاخد فلوسها.. رسالة مثيرة للجدل من أمير عيد قبل حفله اليوم
حرص الفنان أمير عيد على توجيه رسالة جديدة الى جمهوره قبل بدء حفلته اليوم .
وكتب عيد على صفحته الشخصية بموقع التواصل الاجتماعى فيسبوك قائلا: "قبل قيام الحفل انهارده احب اقول ان انا ممكن اكون غلطان ومقرأتش الامور بالشكل السليم من الاول خصوصا ان وقت الاتفاق على الحفل كانت الظروف مختلفة والأمور مستقرة أكثر من دلوقتي وبيتعمل حفلات اي حد عنده الحق يعترض علي إقامة حفل كايروكي مش هصادر رأيكم".
وأضاف أمير قائلا: "الموضوع نسبي هناك من يؤيد استمرار الحياة مع الوقاية عشان الشغل والحال يمشي وهناك من يؤيد العكس ، قرار الالغاء او التأجيل حاليا من اصعب ما يكون بعد بيع التذاكر في اول يوم نزلت فيه والمشكلة الأكبر ان في ناس اشترت تذاكر سوق سوده بأسعار كبيرة ودول مش هيعرفوا يرجعوها او ياخدوا فلوسهم تاني وغير الناس الكتير اللي بتشتغل ورا الحفلة والتعاقدات والخ الخ ده قرار مش هعرف اعمله لوحدي لأسباب كتير ومعقدة مش هخوض فيها .
وتابع: "كل اللي قادر اعمله اني انبه علي الجميع واكون امين معاهم واني اتابع بقدر المستطاع مع منظمي الحفل ضرورة تنفيذ خطتهم الوقائية الموضوعة من قياس درجات الحرارة للحضور قبل الدخول والتأكد من ارتداء الكمامة، وجود عدد كبير من المراقبين داخل الحفل للتأكد من ان كل حد بيتبع الاجراءات الوقائية، قيام الحفل في مكان كبير مفتوح بيستوعب عددا كبيرا ولكن مع حضور عدد اقل من اللي المكان ممكن يستوعبه بحيث ميبقوش متقاربين، تمت مراجعة خطة الحفل مع الجهات المعنية للتأكد من قيام كل شيء بشكل سليم ومظبوط.
واختتم قائلا: "طبعا كل ده ملوش قيمة بدون التزامنا كلنا و كل شخص يكون مسئول عشان نفسه وعشان الناس اللي حواليه انا بحاول اعمل كل اللي اقدر عليه في الوضع الحالي اللي لقيت نفسي فيه وبحاول اكون امين معاكم في نقل الصورة ويهمني سلامتكم اكتر من اي حاجة تانيه. وبعتذر لو كنت اسأت التقدير".
اترك تعليق