رئيس مجلس الإدارة
طارق لطفى
رئيس التحرير
أحمد سليمان
من مطبخ صابرين..شيش الكفتة بالباربيكيو وكيكة القرع العسلي للشيف مروة امارة
تعرفى على طريقة جديدةللكفتة وكيكة القرع العسلي بطريقة بسيطة من ابداعات الشيف مروة امارة فى برنامج تتبيلة للشيف المتميز يسرى خميس على قناة صدى البلد
شيش كفته بالباربكيو :
نص كيلو لحمه مفرومه
بصله متوسطه مفرومه ناعم
معلقه كبيره كسبره خضرا
معلقه كبيره باربكيو صوص
معلقه صغيره توابل كفته
معلقه صغيره ملح
نص معلقه صغيره فلفل اسود
للتقديم :
عيش شامي
حلقات بصل أبيض
سماق
الطريقه :
هنقلب كل المكونات اللحمه المفرومه و البصل و الكسبره و الباربكيو و التوابل و الملح و الفلفل و نشكلها كور متوسطه متساويه.
هنجيب خلة الشيش و ندخل الكفته مع فلفل ألوان و بصل و نرصه في صنيه .
التسويه :
هندخل الصنيه فرن سخن على درجة حراره ٢٠٠ من تلت لنص ساعه لحد ما تستوي و نولع الشوايه تتحمر و نطلعها ندهنها بالباربكيو و تتقدم بالهنا و الشفا.
كيك القرع العسلي :
٢ كوب دقيق منخول
كوب سكر
كوب قرع بيوريه
نص كوب زيت
ربع كوب من مية القرع
٢ بيضه
معلقه صغيره فانيليا
معلقه صغيره بيكنج بودر
نص معلقه صغيره بيكنج صودا
الطريقه :
هنضرب الزيت و السكر و البيض و القرع في الخلاط.
هنقلب المكونات الجافه الدقيق و البيكنج بودر و البيكنج صودا و الفانيليا و ننزل عليه الخليط السائل و نقلب بالويسك و لو الخليط تقيل نضيف مية القرع تدريجي لحد ما المكونات تندمج و القوام يكون مناسب .
هنجيب صنيه مدهونه بالسمنه و ننزل فيها الخليط.
التسويه :
هندخل الكيك فرن سخن على درجة حراره ١٨٠ لمدة نص ساعه و نختبرها و نطلعها و نسيبها تبرد و نقلبها و نزينها بالكراميل و المكسرات و نقدر نغير في التوبينج حسب الرغبه.
من مطبخ صابرين..شيش الكفتة بالباربيكيو وكيكة القرع العسلي للشيف مروة امارة
من مطبخ صابرين..شيش الكفتة بالباربيكيو وكيكة القرع العسلي للشيف مروة امارة
اترك تعليق