رئيس مجلس الإدارة
طارق لطفى
رئيس التحرير
أحمد أيوب
>
- ضبط ربة منزل تعدت على سائق "توك توك" بألفاظ وإشارات خادشة بشبرا
- الإفتاء توضح الحكم الشرعي لاحتكار العملات الأجنبية والمضاربة بها
- حكم المساواة بين الزوجة المسلمة والكتابية في المعاملة والحقوق
- ضبط المتهم بالتعدى على ممرضة داخل مركز طبي بالإسكندرية
- فريق تطوير ماسبيرو أطفال : نعمل علي رفع جودة الإنتاج السابق ونستعد لإنتاج أعمال جديدة
قبل الموت سلام
الشاعر - محمد زكى
لما الواحد يموت..
مش هايفرق معاه،،
كلام يتقال بعد طول السكوت.
مش هايفرق ..
كان معاه تذكرة والا لا؛
لم القطر منه يفوت.
مش هايفرق ايه لون العنب،،
لما يعشش عالشجر..
عنكبوت.
مش مفيدة كلمة ،،
ياريت رحت وصالحته،،
ولا ياريت ماكنا اتخاصمنا؛
وياريت لحقنا؛
سامحني وسامحته.
ونقول:
ده كان طيب،،
وبكلمة حلوة كان بقا قريب.
وكلامه لينا او علينا،،
عمره ماكان عيب ولا اتعيب.
خلاص راح أوان الإعتذار؛
إللى مات مات،،
ومصيره جنه أو فى نار.
لكن إللى لسه عايش..
هايعيش عمره فى..
الم ندم بطعم المرار.
كانت الفرصة موجودة؛
بس قبل ..
ما يجرى منه الزمن ،،
وتضيع لحظة ..
تصحيح القرار.
ندمان؟!!
ندمان على دمعة مادمعهاش،،
ولمسة حنين لغيره ..ماحسسهاش؛
ندمان على كلمة حب مالحقش يقولها؛
مجرد كلمة كانت ترجع كل حاجة لإصولها.
إلحق يا سيدى العايش.. قبل مايموت،،
إلحق وصالح وسامح ؛
قبل ما الوقت منك يفوت.
لو لك حق؟؟
ربك شايلهولك؛
ولو الحق عليك؟!!
يبقا القول كان لازم..
يكون قولك.
مش خسارة كلمة فى يوم تتقال،،
تشيل من على الكتاف والقلوب أحمال،
تمسح بيها دمعة الموجوع ،،
ولا فرق بين ده ..
دورى أنا؛
أو دورك !!
أمان ؛
أمان..
على كل من له ..
ضمير إنسان،،
أمان ..
على كل قلب،،
مش شايل من السواد ألوان.
أمان ..
لكل من للمحبة والمودة..
والعشرة إللى كانت ..
صــــان.
سلام ؛
سلام..
على كل واحد منا؛
فهم الكلام.
سلام ..
عل كل من ..
عاش بين الناس ومات بإحترام.
سلام ..
لكل ..
صغير أوكبير؛
وكل ..
أمير أوغفير؛
فهموا إن الحياة..
تبقا موت ؛
لو القلوب ..
عشش فيها..
الخصام.
وآخر كلامى..
من كل قلبى ..
لكل الإنسانية..
سلام.
مولاناالعاشق_محمد زكى
اترك تعليق