رئيس مجلس الإدارة
طارق لطفى
رئيس التحرير
أحمد سليمان
كريم فهمى عن ونحب تانى ليه: ياسمين عبد العزيز جدعة وشريف منير قيمة فنية كبيرة جدأ
وكتب "فهمي"، عبر حسابه على انستجرام، "حقيقي أنا بحب المسلسل ده ومع آخر يوم أحب أشكر كل حد اشتغلت معاه من جميع الأقسام وكل الممثلين على رأسهم ياسمين عبدالعزيز أختي وصديقتي الجدعة، اللي مهما اتكلمت عليها مش هوفيها حقها والأستاذ شريف منير اللي كان ليا الشرف إنى أقف قدامه وهو قيمة كبيرة جدًا".
واستطرد: "وكل الممثلين بجد أنا حبيتهم جدًا جدًا وشكرًا عمرو محمود ياسين صاحبي المؤلف الشاطر أوي اللي بحب شغله وسبب أساسي في نجاح العمل".
واستكمل: "بشكر المخرج مصطفى فكري طبعًا، الشاطر اللي مريحنا نفسيًا واحنا قدام الكاميرا، ومدير التصوير العالمي أخويا زيتون تسلم إيدك، ومهندس الديكور تامر، والمونتير الجامد أوي عمرو عاصم، وطبعا دنيا عبد المعبود الإستايلست الجامدة أوي ومهندس الصوت محمد، وطبعًا طبعًا سينرجي شركة الإنتاج".
واختتم "فهمي"، كلامه قائلًا: "بجد بحب الكرو ده جدًا جدًا، الكلام ده من قلبي، شكرا ليكو كلكوا".
تدور أحداث مسلسل ونحب تاني ليه، حول مهندسة الديكور "غالية" ياسمين عبدالعزيز، والتي يطلقها زوجها مخرج الإعلانات "عبدالله" شريف منير، دون سبب، رغم حبها له، وتقرر "غالية" الذهاب وابنتها الصغيرة للعيش بمنزل والدتها وجدتها.
يذكر أن مسلسل ونحب تاني ليه، بطولة ياسمين عبدالعزيز، شريف منير، كريم فهمي، سوسن بدر، عماد رشاد، ليلى عز العرب، تأليف عمرو محمود ياسين، وإخراج مصطفى فكري.
اترك تعليق