رئيس مجلس الإدارة
طارق لطفى
رئيس التحرير
أحمد سليمان
الى العقلاء
بعد معرفة ان الفيروس مش خطر أو حتى خطر بس الكل متفق على سرعة و فظاعة انتشاره و كل الدول اللي كانت بتقول انه دور خفيف و خطر بس على كبار السن اللي هم امي و ابي و الجدود "أغلى الناس يعنى" يبقى انت كدا مش بطمنى و بعدين الدول دى أصبحت تعانى من وباء و تعانى منه لذلك قفلت على نفسها و اللى داخل ليها و الأهم انها منعت التجمعات و لم توقف الدراسة إنما حولتها الي دراسة عبر الإنترنت نت و حافظت على طلاب المدارس و الجامعات بعدم ذهابهم و الدراسة من المنزل .
صديقة بنتي في ايطاليا بتقول لها انهم ممنوعين من الخروج من المنزل تقريبا و الخروج لازم بسبب مثل الاطباء مثلا و اللي يتعرض المخالف لغرامة مالية و ممكن الحبس .
اكيد الناس دي بتفهم مش دول العام الأول المتقدم يا متعلمين يا بتوع المدارس.
الوقاية خير من العلاج.
الوقاية الوقاية الوقاية الوقاية الوقاية الوقاية الوقاية
انا سوف ابدأ بالوقاية لي و لعائلتي و ابناء عيادتي .
١) مفيش سلام باليد.
٢) مفيش بوس.
٣) لو ممكن كل اللي يجي العيادة يلبس ماسك الأب و الأم و الاطفال علشان نحمي بعض و نقلل من فرص نقل العدوى.
٤) لو احد أطفالك مريض برجاء ترك الاطفال الآخرين في البيت لعدم نقل اي عدوه للطفل السليم.
٥) كل واحد اول لما يروح البيت يغسل ايده بماء و صابون مدة كويسه لو مفيش وسائل تعقيم الأيادي .
٦) ممكن عمل غرغرة للفم بغسول الفم أو ماء بالملح.
٧) لو أمكن عدم الخروج الا للضرورات و تهوية المنزل بصورة دورية و دخول الشمس للمنازل .
٨) فيتامين سي و السوائل و النوم في الوقات السليم و عدم السهر و اجهاد الجسد و التغذية الصحية تساعد الجهاز المناعي.
٩) استخدام المنديل عند السعال أو العطس وتغطية الفم والأنف به، ثم التخلص منه في سلة النفايات. وإذا لم يتوافر المنديل فيفضل السعال أو العطس على أعلى الذراع وليس على اليدين.
١٠) تجنب ملامسة العينين والأنف والفم باليد قد المستطاع، فاليدان يمكن أن تنقل الفيروس بعد ملامستها للأسطح الملوثة بالفيروس.
مصر بلادنا و لازم نحفظ عليها بالمحافظة على شعبها واكيد المسؤولين عن صحة شعبنا و ولادنا في المدارس و الجامعات مش محتاجين حد يزايد عليهم في خوفهم علينا لازم ندعي لهم ربنا يوفقهم للصواب في اتخاذ القرارات الوقائية الوقائية الوقائية قبل حدوث وباء لا قدر الله.
أزمة و تعدى بإذن الله .
لازم نحمى بعض و نحمي نفسنا و كل اللي بنحبهم.
و في الآخر احب اشكر كل زملائى الاطباء و التمريض و الصيادلة و لخطورة عملنا و تعرضنا المستمر للمرضي بنية شفائهم ربنا يشفى كل مرضنا و يحمي الجميع.
بقلم - د. محمد عمر :
مدير الادارة الطبية بجامعة حلوان
اترك تعليق