رئيس مجلس الإدارة
طارق لطفى
رئيس التحرير
أحمد سليمان
اعمل حياتك سندويتش
وحط فيه من كل حاجة تحبها
زود كمان حبة أمل
حيقوي قلبك لو حمولك من جبل
زود كمان الضحكتين
يمكن تعوض من حياتك كام سنة
صدقني طعم تكشيرتك حزين
بس ابتسم
حتدوق حلاوة دنيتك دوق بالهنا
زود كمان رشة عشم ماتكتروش
أحسن يجيلك صدمة منه ماتهضموش
علشان حتلقى ان العشم.... يطلع فشوش
زود كمان حبة تفاؤل رشهم
بس احترس لا يزيد معاك غدر البشر.... أو غشهم
حبش بقى بحبة صراحة مع الزمن
شوف دنيتك ... شوف غلطتك... وساعتها دوق
لو لسه ناقصك أي حاجة يبقى فوق
شوف اللي ناقصك كمله
واوعاك تفكر تهمله
ماهو قال على رأي المثل:
ما حينفعك غير بس حلمك تبدأه... وتكمله
وساعتها تبقى عملت أجمد سندويتش
"وبالهنا والشفا"
بقلم - احمد خليفة
مدرس لغة عربية بجدة
اترك تعليق