رئيس مجلس الإدارة
طارق لطفى
رئيس التحرير
أحمد أيوب
>
عاجل
- ضبط ربة منزل تعدت على سائق "توك توك" بألفاظ وإشارات خادشة بشبرا
- الإفتاء توضح الحكم الشرعي لاحتكار العملات الأجنبية والمضاربة بها
- حكم المساواة بين الزوجة المسلمة والكتابية في المعاملة والحقوق
- ضبط المتهم بالتعدى على ممرضة داخل مركز طبي بالإسكندرية
- فريق تطوير ماسبيرو أطفال : نعمل علي رفع جودة الإنتاج السابق ونستعد لإنتاج أعمال جديدة
فتح المزاد
اللي عنده أي حاجة قديمة ييجي في المزاد
واللي فرهد م البعاد
واللي فرفر واللي ركرك واللي جرجر في العباد
كله ييجي في المزاد
اللي بايع واللي ضايع واللي راجع بالزمن
اللي شاري واللي جاري واللي هاري في البدن
اللي عنده أي باقي من صراحة
أو أدب أو حتى راحة
أو خليط صدق ومحبة وفرفشة من غير بجاحة
اللي عنده من الشهامة
ولا عنده من الكرامة أي حاجة يجيب قوام
حتى لو حبة سلام
كله ييجي في المزاد
اللي شاور واللي حاور واللي ناور في البشر
اللي صادق واللي فارق واللي غارق في القدر
اللي عنده صبر دايب
ولا عنده حظ خايب
كله ييجي في المزاد
اللي ضحى بذكرياته وقلبه مات قبل الأوان
اللي أكبر أمنياته لو يعيش بكرة ف أمان
اللي ناوي يكون شريف
واللي نام الليل خفيف
كله ييجي في المزاد
فتح المزااااااااااااد
اترك تعليق