رئيس مجلس الإدارة
طارق لطفى
رئيس التحرير
أحمد سليمان
ارمي بياضك
كلمات مسعوده جادالله
.............
وفي الاحلام
ننزل عالبر
نلاقي الشط مش موجود
تجود......بالخوف فتصحينا
احسن ما الموج يغرق بينا
لليل عيون دايما بتعيط في وجعنا
تتألم .....ولا مرة تبيعنا
دايما منديل في ايديها يمسح خوفنا
وساعات الخوف يمسحنا ونتوه جواه
الليل معاه الداء والدوا
شمس وقمر
عصفور يطير
وغبار مالوش ابدا لازمه
الأزمة
ازاي تجعل منه الوش الحلو اللي يناسبك
يحبك
يصاحبك
يفضل دايما على طول جنبك
بس يخلي في جيبه نهار علشان متملش م الضلمه
تغير جو لاوجاعك ولو باعك
اشتري نجمه من توبه
أسكن فيها ومن شباكها شوف مين سهران يلاغيها
اعرف نقطة ضعف عنيها
اضمن أنها متعزلش وتسيبك في الشارع وحدك
أخلص ليها
يمكن باقي التوب يشتاقك
يجيب الليل في موالك
لليل عيون تحميك
تخوف مين يجي عليك
تخلي الحلم إجابات لسؤالك
حل لحالك
بس أخلص في الأول يلا
ارمي بياضك
اترك تعليق