رئيس مجلس الإدارة
طارق لطفى
رئيس التحرير
أحمد أيوب
>
حكاية مواطن
انا ياأما عايز اسيبها وامشى
كل يوم اقول بكرة وبكرة يصبح ذى امسى .
تروح لفين ياواد ياحيلة
داانا وابوك وتقلت الشيلة
انا همشى يا اما عشان ولادى
طب واحنا ياابنى داالعمر ماضى
رفعت ايدى للسما ادعى لولدى
ملقتش حيلة غير انى اوافق
ودموعى تجرى على المفارق
وكل يوم فى حنين يجن
على ولدى واقول هيحن
ما انا كل يوم أقول معزور
حمله تقيل واللقمة بقت بالزور
مرت سنين والشعر شاب
والولد غايب ولامرة غاب
وفى يوم لقيت تليفونى رن
غربتك طالت هو قلبك حن
وحشانى يا اما وازى ابويا
وحشنى انت ياروح الروح
والله يااما كان غصب عنى
انا عمرى ماأقسى على الى منى
وهفكر ارجع واجيب عربية
صحيح يا ابنى ده ميه ميه
نورت بيتك يا ولد قلبى
باركيلى ياأما على العربية
ماخلاص هعدى الفقر واجرى
وايدى فيها الفلوس هتجرى
ومشوار ورا مشوار
لحد ما جالى مشوار للمطار
لقيت لجنة منعه المرور بالحديد
هتعمل تحليل دم يا سعيد
ولانى ماشى فى السليم
معجبش البيه الباشا الامين
عمل محضر واتحول الى الجنايات .
وتعبت جرى على المحاكم والمرافعات..
عدت سنة وانا لسه بجرى
دخلت محاكمة قال ايه وبدرى !
هتدخلونى القفص دا كتير يا باشا ؟
ايدك فى جيبك تأكل بغاشة
من حقى اضحك على الخساسة
مرت سنة وانا حالى واقف
غربة سنين راحت وخايف
وسجدت اشكر ربنا على البراءة
لكن خلاص ملقتش طاءة (طاقة)
انا عايز يا اما اسيبها وامشى
بقلم - هويدا دويدار:
اترك تعليق