رئيس مجلس الإدارة
طارق لطفى
رئيس التحرير
أحمد أيوب
>
سابليه العيد بشكل جديد
بطريقة الشيف امانى العمرى
المقادير
1/4كيلو سكر
1/2كيلو زبده
كيلو دقيق (شيلى منه ملعقتين كبار هرميتين)
2 بيض كبير أو 3 صغير
ملعقه صغيره بيكنج بودر
رشد ملح صغيره يعنى 1/2ملعقه صغيره
فانيليا
للتزيين
مربى اى نوع حسب اللى بتحبيه
سكر بودر
شوكولاته بيضاء وسوداء أو بنى
ورق ترانسفير لعمل أشكال أو رسومات شيكولاته
الطريقه ..
فى بوله اضربى السكر مع الزبده لمدة 1/4ساعه حتى تحصلى على قوام كريمى
ضيفى البيض بيضه بعد بيضه مع استمرار الخفق ومعاهم الفانيليا
ثم ضيفى الدقيق إلى خليط الزبده والسكر على دفعات بعد نخله واضافة البيكنج بودر ورشة الملح على الدقيق
قلبى بخفه وبدون عجن يعنى مجرد تلمى العجينه فقط
ضعيها فى الثلاجه لمدة ساعه أو أكثر
افردى العجينه بين 2 كيس بلاستيك لسهولة الفرد يعنى كيس فوق العجينه وكيس تحت العجينه
قطعى العجينه بعد الفرد بالشكل المفضل لك
رصى الاشكال على صنيه اوصاج
دخلها الفرن وتكونى مسخنه الفرن قبلها على 180 درجه أو حسب درجة حرارة فرنك
على الشبكه يعنى ولا فى قاع الفرن ولا فوق فى المنتصف لمدة 10 دقائق
اتركيها تبرد وزينيها بالمربى والسكر ووحدات الشوكولاته
للتزيين
الزقى كل قطعتين مع بعض ورشى اللى فوق بالسكر زى اللى فى الصوره
أما الأشكال التانيه انا سيحت شوكولاته ووزعتها فى ورق ترانسفير وطلع الشكل اللى فى الصوره
ملحوظه
ورق ترانسفير من عند خامات الحلواني وفيه أشكال كتير كل واحد وذوقه طبعا وفيه رسومات كبير وصغيره حسب ذوق كل واحد وبالهناء والشفا
اترك تعليق