قصف جبهة بين حملتى خليها تعنس وخليك فى حضن امك

حملة خليها تعنس تتحدي خليك فى حضن امك

حملة "خليها تعنس" أطلقها مجموعة من الشباب بهدف مقاطعة الزواج

حملة خليها تعنس أطلقها مجموعة من الشباب بهدف مقاطعة الزواج بسبب المغالاه فى المهور والمتطلبات الغير منطقية التى أصبحت تتخطى مستوياتهم المادية،وهو ماثار الجدل عبر مواقع التواصل و حالة من الغضب لدى الكثير من الفتيات الذين قاموا بالرد على الشباب بإطلاق حملات أخرى مثل "خليه يخلل"، "خليك فى حضن أمك"، وغيرهن اقترح اخري تحت مسمى حملة ربنا نجدها نوسة

واثارت هذه الحملات جدال واسعا فى كل الأوساط مابين مؤيد ومعارض ورافض لتلك الحملات لما تحمله من اهانات للطرفين وتعليقات متعددة من قبل المشاهير واستاذة الجامعات فكتب ا د فتحي الشرقاوي أستاذ علم النفس بجامعة عين شمس تعليق وأصبحت ساحة للجدل ما بين المؤيد والمعارض

فكتب نصا " خليها لما #تصدي#..قولنا ماشي.. أهي دعوة ضد جشع تجار السيارات لكن خليها لما #تعنس..
إنت كده... دخلت في الممنوع , وتعديت حدودك , مش من حقك إنت وهى وهم وهن, اطلاق هاشتاج بهذا الشكل المسف
الجارح لبناتنا العزيزات الفاضلات
إنت عاوز أختك تعنس إنت حر, لكن تجمع كل بناتنا وتقول خليها تعنس..
إنت متخيل يابأف منك ليه إن سبب العنوسه مش بس ارتفاع سعر التجهيزات والمغالاه في المهور...
لأ.. جانب كبير منها راجع إن بناتنا مش لاقيين رجاله تملي عيونهن ويعتمد عليهم في تحمل مسؤولية بيوتهن مستقبلا..
إذا كان كده يبقى الهاشتاج المقترح...
خليك قاعد جنب #أمك.. لحد ماتبقى #راجلها وتشيل #مسؤليتها
مجرد خاطره

المشكلة يا دكتور ان الشباب للاسف مش عارفين معني كلمة رجولة عشان نلوم عليهم.. هم معذورين بردو
مفروض نحط لهم عناصر الرجوله في نقاط علي السريع ويقعدوا يفهموها ويحفظوها كويس وبعدين يطبقوها واللي يعرف منهم يطبق ربعها ساعتها نبقا نفكر نتجوز

وكتب اخر " صدقت و الله ،،، بس برضه في اهالي بتغالي بشدة في طلباتهم، و طبعا في شباب بيستهبل امه مفهماه ان الف من تتمناه و عايز يتجوز ببلاش و يبهدل بنات الناس

"خليها تعنس" وخليك فى" حضن امك " اهانه للجنسين

وهناك من اعترض على الحملتين واعتبرها اهانة للجنسين معلقا

بالذمة ده كلام !!
ان كان " خليها تعنس" بيهد مبدأ جميل بالارتباط و هو تعزيز الأنثى و يأتي ليهدم قيمتها بهكذا اهانة .. فالاكثر مهانة هو ما يدعو له خليك عند امك ، لأنه بيهدم قيمة الرجولة بأسرة البنت حتى و ان لم تبلغ سن الزواج لتنالها الحملة الاولى .. خليك عند امك اهانة بقيمة رجولة الأخ و الأب و يتسبب بخلل قيم مجتمعية اكثر كارثية من خليها تعنس