رئيس مجلس الإدارة
طارق لطفى
رئيس التحرير
أحمد أيوب
>
رانيا فريد شوقي تعلق على تصوير جنازة ابنة نجلاء فتحي
انتقدت الفنانة رانيا فريد شوقي ما وصفته بالتجاوزات المهنية والأخلاقية التي رافقت جنازة ياسمين ابنة الفنانة نجلاء فتحي.
شاركت رانيا فريد شوقي صورة عبر حسابها الرسمى بموقع فيسبوك وكتبت: ما حدث في جنازة ياسمين ابنة نجلاء فتحي وسيف أبو النجا، شيء محزن فعلًا.
تابعت: إذا كان عندنا مواثيق شرف وقواعد مهنية واضحة .. مين المسؤول عن تطبيقها؟ وفين الجهات المسؤولة عن تنظيم الصحافة والإعلام والنقابات المعنية؟ للأسف بقينا في فوضى مهنية وأخلاقية .. التجاوز بيتكرر من غير حساب، لحد ما بقى شيء عادي ومفيش حد بيعلّم الأجيال الجديدة إن للمهنة أصول وحدود.
أضافت: لما التصوير يوصل لجوه الجامع وأثناء الصلاة ولأب وأم فقدوا بنتهم، فده مش سبق صحفي .. ده استغلال لوجع الناس وتحويله لمحتوى .. والأوجع إن نجلاء فتحي وسيف أبو النجا اختاروا البعد عن الأضواء من سنين، وتيجي الكاميرات تطاردهم في واحدة من أقسى لحظات حياتهم.
وإختتمت: وسط جنون الترند والمشاهدات والمادة، بقينا محتاجين نفتكر أبسط قواعد الإنسانية قبل قواعد المهنة .. مش كل حاجة ينفع تتصور أو تتنشر .. فيه حرمة للموت وفيه حرمة لوجع الناس .. عارفه اني هتهاجم بسبب البوست ده.
اترك تعليق