رئيس مجلس الإدارة
طارق لطفى
رئيس التحرير
أحمد أيوب
>
محمد هانى : أحلم بالوصول للمباراة رقم 500 مع الأهلى
احتفل محمد هاني، لاعب الفريق الأول بالنادي الأهلي بالوصول للمباراة 403 مع المارد الاحمر .
ونشر محمد هاني عبر حسابه الرسمي على موقع التواصل الاجتماعي فيسبوك، صورة من احتفاله بالوصول للمباراة رقم 403 مع الأهلي.
وعلّق هاني على الصورة قائلًا : من وأنا صغير كان حلم من أحلامي إني أشوف لاعيبة الأهلي وأبقى واحد منهم.. روحت النادي الأهلي وأنا عندي 9 سنين ومن ساعتها وأنا بحلم باللحظة دي
وتابع: وصلت للفريق الأول و كان نفسي بس العب ولو ماتش و احد و انهاردة أنا لعبت 403 ماتش وبقيت جزء من تاريخ النادي زي ماهو تاريخي كله
وأكمل:كنت نفسي أحتفل معاكم بالإنجاز ده السنة اللي فاتت بس النتائج وقتها ماكنتش في صالحنا. النهارده وصلت لـ403 ماتش في مسيرتي مع الأهلي، وده كان واحد من أهدافي اللي كنت بحلم أحققها
وتابع: بس الحلم مابيوقفش هنا.. الهدف الجديد إني أوصل لـ500 ماتش في البيت اللي اتربيت فيه وأبقى أكتر لاعب في تاريخ النادي يحقق بطولات وأفضل أساعد الأهلي حتى لو بحاجة بسيطة
وأتم محمد هاني : شكرًا لجمهور الأهلي اللي كان دايمًا سند ليا وساعدني أوصل للحظة دي، وشكرًا لإدارة النادي على دعمها المستمر، وشكرًا لزمايلي.. من غيركم عمري ما كنت هأوصل للرقم ده 403 ماتش.. ولسه الحكاية مكملة
اترك تعليق