رئيس مجلس الإدارة
طارق لطفى
رئيس التحرير
أحمد سليمان
أحمد آمين عن حق الأداء العلني :"مصدعينكم انا عارف "
علق الفنان أحمد آمين على الجدل المثار بشأن حق الأداء العلني بعد الخلاف بين غرفة صناعة السينما والنقابات الفنية.
وقال أحمد أمين فى منشور له عبر حسابه الشخصى على الفيسبوك: "كلام كتير بيدور عن حق الاداء العلنى اليومين دول ومصدعينكم انا عارف.. ناس كتير هتقول واحنا مالنا فحبيت احكيلكم الموضوع ببساطة".
وأضاف أحمد آمين: " أى أغنية قديمة بتسمعها أو فيلم أو عمل فنى بيتعرض بيبقى فيه صناع كتير علاقتهم بالعمل ده عمرها ما بتخلص.. هما ابتكروه من سنين وده شغلهم وفكرهم، السؤال بقى.. هل ينفع ان العمل يعيش ويفضل يأثر على سمعة الفنان ويفضل يسعد ناس أكتر منغير ما يكون للصانع ده حق فى انه ياخد ولو عائد بسيط من اللى بيرجع من إعادة عرض الأعمال دي”.
وتابع أحمد آمين: " ده اسمه فى الفن حق الاداء العلنى.. وده قانون قديم بالمناسبة من 2002 ومطبق فى أغلب دول العالم.. وفكرته مفعلة جدا على اليوتيوب مثلا.. وبيفضل صانع المحتوى يكسب عائد من من كل مشاهداته طول ما فيه ناس بتتفرج.. وكمان بيحمى اللى عامل الفيديو ده وما بيسمحش حد ياخد شغله وينزله فى مكان تاني".
واختتم أحمد آمين: "فيه فنانين (والقصص كتير) انتهت حياتهم بظروف صعبة جدا فى حين انه عنده رصيد ضخم جدا من الأعمال بتتعرض لغاية النهارده، أنا مع تفعيل قانون حق الأداء العلنى.. وعمر ما حماية حقوق المبدعين ما هتكون ضد الاستثمار أو المنتجين وأصحاب الأعمال بالعكس احنا كلنا فى مركب واحدة.. كلنا نفسنا فى صناعة أقوى قادرة تكمل وتسعد جمهور كبير كل يوم".
اترك تعليق