رئيس مجلس الإدارة
طارق لطفى
رئيس التحرير
أحمد سليمان
حسام داغر ينعى الفنانة حياة الفهد
نعى الفنان حسام داغر الفنانة الكويتية حياة الفهد التي رحلت عن عالمنا صباح اليوم بعد صراع مع المرض.
شارك حسام داغر صورة للفنانة الراحلة عبر حسابه الرسمى بموقع انستجرام وكتب: راحت خالتي قماشة .. راحت مبروكة .. راحت سبيكة .. راحت ام هارون .. راحت حياة الفهد.
تابع: أول ممثلة أشاهدها في حياتي وأنا طفل في دولة الكويت كنت مع والدي في الشغل وكانوا بيصوروا المشهد الأخير في مسلسل ( على الدنيا السلام ) و هما بيجروا هي وسعاد العبدالله ربنا يديها الصحة بيرجعوا تاني المصحة هرباً من عمهم المرحوم الممثل علي المفيدي وشافتني و سلمت عليا و انا كلي انبهار بعالم الممثلين و لوكيشن التصوير، يمكن ده زرع جوايا حب الفن و التمثيل وقتها و انا لسه ٧ سنين و فاكر وشها و حنيتها و هي بتقولي كل كويس انت رفيع ليه زي الصوص الممصوص ضحكت و كان ده شكلي وقتها.
أضاف: بحبها قوي و تعبها ربنا يجعله في ميزان حسناتها و خبر رحيلها اثر فيا بشدة كان عندي امل ترجع تاني و تمتعنا تاني، شريط كامل من ذكرياتي وحياتي مر قدامي، أدوارها محفورة في قلبي، الكوميدية والدرامية كانت شعلة من الفن و الموهبة و الصدق تستحق لقبها سيدة الشاشة الخليجية حقيقي.
اختتم: لابد من إعلان الحداد بالكويت لوفاة حياة الفهد ممثلة صنعت الكثير و خلقت تاريخ بأعمالها محفور في الوجدان العربي للابد، بحبك يا ام سوزان كان نفسي احقق امنيتي و حلم الطفوله بالوقوف أمامك لكن ربنا اختارك جمبه وده الافضل طبعا.. وداعاً حياة الفهد . في الجنة و نعيمها نلتقي بإذن الله.
اترك تعليق