رئيس مجلس الإدارة
طارق لطفى
رئيس التحرير
أحمد سليمان
حلا شيجة تثير الجدل برسالة غامضة
شاركت النجمة حلا شيحة جمهورها ومتابعيها رسالة مطولة عبرت من خلالها عن رؤيتها لبعض الشخصيات في الحياة.
شاركت حلا شيحة تدوينة عبر حسابها الرسمى بموقع انستجرام وكتبت: تأملاتي ساعات بتخضني أنا شخصيًا بس عاوزة أفهم بجد .. في ناس في الحياة تحس إنهم مفيش ريحة الدم كده أو مفيش إحساس أصلًا .. فى ناس برودهم مستفز فعلاً عارفين مثل يقتلوا القتيل ويمشوا فى جنازته .. يعملوا العملة ويكملوا عادي.
تابعت: الأحلى بقى كلامهم عن ربنا تقول أهل الله أكيد بس تلاقى أفعال حاجة تانية خالص .. نوعية كده فاكرين إنهم تمام وهما ولا تمام ولا شايفين طريق التمام .. ناس تعرفك لمصلحة معينة فى دماغهم وبعدها يتحولوا.
أضافت: ساعات انت بقى تقابل النوعية دى تبقى مش مصدق هو فى كده فعلاً، وعادى ولا هما حاسين إنهم كده ولا حد قالهم .. فيقوم ربنا يحب يفوقهم فيبعت لهم رسايل بس برضه عادى شايفين إنهم تمام والغلط مش فيهم ولا عندهم ومكملين.
إختتمت: بس أحلى حاجة إنك تبقى خلاص شايفهم على حقيقتهم ومكشوفين جدا .. فتضحكوا تشوفهم مرة صدفة من بعيد تلاقيهم عايشين برضه نفس الدور لسه مكملين وعجبي على رأى صلاح جاهين هو أنا بحس النوعية دى لوحدى ولا انتوا كمان؟! قولولي بجد يا جماعة هو أنا بتخيل ولا إيه؟.
اترك تعليق