رئيس مجلس الإدارة
طارق لطفى
رئيس التحرير
أحمد سليمان
ريهام سعيد تشيد بمسلسل "وننسى اللى كان"
أشادت الإعلامية ريهام سعيد بمسلسل وننسى اللى كان بطولة النجمة ياسمين عبدالعزيز والنجم كريم فهمى الذي عرض فى موسم دراما رمضان 2026.
شاركت ريهام سعيد صورة من كواليس المسلسل عبر حسابها الرسمي بموقع إنستجرام وكتبت: ماحبتش اكتب غير لما اتفرجت .. دي صورة من السنة اللي فاتت وكان في إبداع حاصل .. أنا بتفرج وفاهمة إنى هاشوف تمثيل سيئ ومسلسل وحش .. إزاي سمعت ناس بتقول إن ياسمين تمثيلها سيء؟! إزاى؟! دي أحسن مرة مثلت في حياتها.
تابعت: وبعدين محدش جاب سيرة كريم .. هو فى كده؟! كريم لا يمكن تصدق أو تحس لحظة إنه مش (بدر) إزاى عبقري كده؟! ممثل بارع وممثلة بارعة ومسلسل مكتوب تحفه.
أضافت: دى حتى إنجي كيوان نضجت نضوج سريع جدا .. حتى الفنانة اللي بتحب الجارد بتاعها موقف مبرر .. الوحيد اللي حماها فطبيعى إنها تحبه .. عندي تحفظات كبيرة على الإخراج بس ياسمين عبد العزيز وكريم فهمي وكل الكاست أبدع يا كدابين.
واختتمت: مش طبيعي الأراء اللي ظهرت دي ابتديت أصدق موضوع اللجان المأجورة .. ألف مبروك لكل كاست العمل حقيقي استمتعت.
اترك تعليق