رئيس مجلس الإدارة
طارق لطفى
رئيس التحرير
أحمد سليمان
- ضربة موجعة لمافيا المراهنات.. الداخلية تضبط وكيلًا لتطبيق 1XBET بأسيوط
- مصدر أمني ينفي ادعاءات "الإخوان" حول الأوضاع الصحية بمراكز الإصلاح
- بشرى سارة للمواطنين.. زيادة الحد الأدنى للأجور عقب عيد الفطر المبارك
- الإفتاء تحسم الجدل حول مسألة إرسال اليدين في الصلاة
- تأهل الهلال لنهائي كأس خادم الحرمين بعد الفوز على الأهلي
محمد صلاح عزب يرد على إنتقادات فيلم "سفاح التجمع"
رد المؤلف والسيناريست محمد صلاح عزب مؤلف فيلم سفاح التجمع على حالة الجدل التي أُثيرت مؤخرًا حول العمل االمقرر طرحه بدور العرض السينمائي خلال موسم عيد الفطر المبارك.
شارك محمد صلاح عزب تدوينة عبر حسابه الرسمي بموقع فيسبوك وكتب: مع كامل الاحترام لكل الآراء .. لكن الناس اللي معترضة على وجود عمل فني بعنوان سفاح التجمع وبتسأل هو ليه وإزاي وإيه الفايدة من تقديم شخصية سفاح .. هل ده أول عمل في التاريخ يتناول شخصية إجرامية .. عمركم ما سمعتوا عن آلاف الأفلام والمسلسلات في تاريخ السينما والمسرح والتلفزيون والمنصات عن مجرمين؟! ولا كل مرة هتستغربوا وتندهشوا نفس الاندهاش؟!.
تابع: الكلام بتاع ما تعملوا عن شخصيات تاريخية أو علماء أو شخصيات مفيدة، طب ما هو برضه ده بيتعمل بشكل دوري وغالبًا ما بيلاقيش نجاح ولا رواج جماهيري .. بما يعني إنكم مبتتفرجوش على الأعمال دي أصلًا .. وفكرة إن لما المشاهدين يشوفوا السفاح في فيلم .. الناس كلها هتتحول لسفاحين عشان يقلدوه .. ده برضه منطق غريب .. ما طول الوقت الأعمال الفنية بتعرض مجرمين وقتلة وسفاحين ودكاترة وضباط ومحامين وسواقين أوبر وعادي جدًا والمشاهد مش بالسذاجة إنه كل ما يشوف شخصية يقلدها.
أضاف: المفاجأة إن الفن بينقل من الواقع مش بيسبقه وفي المجمل إحنا بناخد نماذج حقيقية، وإحنا اللي بنقلدها مش هم اللي بيقلدونا .. قليل من المنطق حياكم الله وإن شاء الله المشروع القادم هعمل فيلم عن الدكتور مجدي يعقوب .. أطال الله في عمره.
اترك تعليق