رئيس مجلس الإدارة
طارق لطفى
رئيس التحرير
أحمد سليمان
الإنتهاء من تصوير الحلقة الأخيرة لمسلسل "الست موناليزا"
حرص المخرج محمد سامي على دعم زوجته النجمة مى عمر بمناسبة الإنتهاء من تصوير أخر مشاهد مسلسل الست موناليزا الذى يتم عرضه ضمن موسم الدراما الرمضانى.
شارك محمد سامي تدوينة عبر حسابه الرسمى بموقع فيسبوك وكتب: النهاردة مي عمر خلصت تصوير مسلسل الست موناليزا .. أخر كام يوم كانوا صعبين جدًا لأنها صورت فى عز ظروفها لأن المسلسل بيتعرض على الهوا.
تابع: بس صبرها وساعدها وجود رجالة أخواتها كانوا فى ظهرها محاوطين عليها برجولة وجدعنة ودعم لا محدود .. بداية من mbc مصر المحترم محمد عبد المتعال والأخ الشهم المحترم محمد مصطفى والمنتج الراقى الطيب الخلوق اللى بيحب أبطاله وبيقدرهم حسن العسيري.
أضاف: أجمل وأشطر إثنين منتجين طارق فهمى ومحمد عبد الوهاب اللى كانوا مموتين نفسهم عشان الست موناليزا يحقق النجاح اللي حققه بفضل ربنا وكرمه ويتصدر الترتيب سواء فى مصر أو الوطن العربي.
واختتم: أنا باشكر الناس دي لأمانتهم وإخلاصهم وحبهم للناس اللى بتشتغل معاهم .. سهل إنك تعمل مسلسل بس صعب إنك تبقى رقم واحد من أول يوم عرض لآخر يوم بكلام موثق موجود على المنصة بريتنيج وترتيب واضح وشرعى ومعلن مش كلام مطلق وعايم .. الست موناليزا رقم 1 من حلقة 1 إلى 14 وإن شاء الله هيقفل كده .. لله الحمد والشكر.
اترك تعليق