رئيس مجلس الإدارة
طارق لطفى
رئيس التحرير
أحمد سليمان
رانيا فريد شوقي تشيد بـ مسلسل "صحاب الأرض"
أشادت الفنانة رانيا فريد شوقي بمسلسل صحاب الأرض الذي يعرض ضمن موسم الدراما الرمضانى.
شاركت رانيا فريد شوقي تدوينة عبر حسابها الرسمى بموقع فيسبوك وكتبت: رغم كل اللي عشناه وشوفناه بعنينا على السوشيال ميديا من وجع ودمار وصور قاسية .. بتيجي الدراما الحقيقية في توقيت فارق ومهم جداً عشان تنظم 'الفوضى' دي وتحولها لرسالة حية للعالم وللتاريخ مسلسل أصحاب الأرض في رمضان 2026 جاي يفتح الستار عن اللي الكاميرات مالحقتش توثقه.
تابعت: العمل ده مش مجرد دراما .. دي وثيقة إنسانية حية بتدخل جوه القلوب والبيوت اللي اتهدت في فلسطين، عشان ترسخ تاريخ وجرائم الاحتلال اللي بيحاولوا يمسحوه من الذاكرة .. حكايات صمود مابتتحكيش بالأرقام وبشر زينا بيتمسكوا بالحياة وبالجذور وسط الرماد.
أضافت: كل التقدير لـ الشركة المتحدة (United Studios) وصناع العمل إنهم اختاروا المواجهة في اللحظة الصح، وبحقائق توجع وتصحي الوعي .. لما الدراما بتقدم وثيقة حق وبتحول الوجع لرسالة كرامة وبتفضح بشاعة الظلم في قلب كل جيل جديد .. هي دي مصر ودي عظمة الفن المصري اللي دايمًا بيفضل السند واللسان اللي بينطق باسم فلسطين بصدق مبيعرفش يداهن وبيحكي الحكاية زي ما هي .. بدمها بصمودها وبكرامتها اللي مابتنكسرش .. الحكاية لسه مخلصتش .. وفلسطين لأصحابها وبأذن الله هما اللي يكتبوا النهاية.
اترك تعليق