رئيس مجلس الإدارة
طارق لطفى
رئيس التحرير
أحمد سليمان
لقاء الخميسي تعلن تصالحها مع زوجها محمد عبد المنصف
نشرت الفنانة لقاء الخميسي فيديو جديد عبر موقع تبادل الصور والفيديوهات إنستجرام يجمعها بزوجها الكابتن محمد عبدالمنصف وأبنائها بعد الأزمة الأخيرة التى كشفتها إحدى الفنانات وارتباطها بزوجها محمد عبدالمنصف .
وبعد تصدر الأزمة عبر السوشيال ميديا والتزام الخميسى بعدم الرد وقتها لاحتواء الموقف ، وجهت الآن الشكر لمن قدم لها الدعم وعلقت قائلة : « الدنيا بتختبرنا دائما وابدا ، أيام بتسعدنا وايام بتبعدنا وتزعلنا وتجرحنا .. الحكمة تظهر من قلب الحزن، وبتقعد تفكر ايه الغلط وايه الصح وهل اللى مرينا بيه شر ولا خير .. ومع الوقت ولما النفس تهدى والعقل يفكر والقلب يدق بنكتشف أننا كلنا بنغلط وينتوه شوية فى وسط الزحمة ،فى ناس بتغلط وبتكمل فى الغلط وفى ناس بتغلط وترجع لحكمتها وتندم وتصحح الخطأ .. خطائين وخير الخطائين التوابين".
وفى السياق ذاته قالت :" مافيش حد مابيغلطش ، بس القوى الحقيقى بيعترف بالغلط وبيرجع لصوابه .. ربنا فتحلنا باب المغفرة والسماح ، شكرا من قلبى لكل إنسان دعمنى ووقف جنبى وطبطب عليا وشكرا لكل اصدقائى المقربين اللى وقفوا جنبى وكل من دعمنى من أصدقاء السوشيال ميديا اللى نوروا حياتى بالمحبة وطبطب على قلبى ودعالى دعوة حلوة ".
وتابعت:"اخر حاجة هقولها .. أسهل حاجة في الدنيا هدم البيوت، وأقواها الحفاظ على حياتنا ومحاربة أي تهديد لبيوتنا وأولادنا بالحب والسلام»
ثم ختمت حديثها برسالة تحفيزية لكل ربة منزل: «حافظي على بيتك وعيلتك بكل قوتك، ولا تدعي أي شخص يهدم بيت العائلة»،
تفاعل معها جمهورها ومتابعيها ونالت ردود أفعال واسعة.
اترك تعليق