رئيس مجلس الإدارة
طارق لطفى
رئيس التحرير
أحمد سليمان
"احمد ربنا إنك مسكت المنتخب".. رضا عبد العال يطالب برحيل حسام حسن
بعد خسارة منتخب مصر أمام نيجيريا في بطولة كأس الأمم الأفريقية، فتح رضا عبد العال، نجم الكرة المصرية السابق، النار على حسام حسن المدير الفنى لمنتخب مصر.
وتعرض منتخب مصر للخسارة أمام نيجيريا بنتيجة 4 – 2 بركلات الترجيح، بعد انتهاء الوقت الأصلى للمباراة بالتعادل السلبى بدون أهداف.
وقال رضا عبد العال، فى فيديو عبر منصة «يوتيوب»: «إنت معملتش إنجاز بالوصول إلى المربع الذهبى، إنت طول البطولة معلى علينا الضغط، كل ماتش لمصر الضغط بيبقى عالى عندى بسبب الكورة إللى إنت بتلعبها»
وأضاف: «إنت فى أمم أفريقيا ومش نافع، هتروح كأس العالم وهتنفع! لازم تمشى واحمد ربنا إنك مسكت منتخب مصر، إنت لما كنت ماسك الفرق ماخدتش بطولة».
وتابع: «إنت اتجاملت بتدريب منتخب مصر لأنك ماخدتش بطولة مع الأندية»، مضيفًا: «مفيش مدرب يطلع يقول الناموس، احنا كنا فى أفريقيا بنام فى المطار».
وأتم: «حسام حسن، لو قعد فى المنتخب يبقى المسؤولين عن اتحاد الكرة مش عايزين الخير لمصر».
اترك تعليق