رئيس مجلس الإدارة
طارق لطفى
رئيس التحرير
أحمد سليمان
دينا الشربيني تحتفل بنجاح مسلسل "لا ترد ولا تستبدل"
وجهت النجمة دينا الشربينى رسالة شكر وتقدير لفريق عمل مسلسل"لا ترد ولا تستبدل" كما وجهت رسالة خاصة لمرضى الفشل الكلوي.
شاركت دينا الشربينى مقطع فيديو عبر حسابها الرسمى بموقع انستجرام وعلقت: مش عارفة أبتدي منين ولا أوصف مشاعري إزاي .. رحلة "لا ترد ولا تستبدل" خلصت .. بس الأثر اللي سابته جوايا والذكريات اللي عشتها فيها محفورة في قلبي للأبد، عايزة أقول من كل قلبي إن دي كانت من أجمل وأصدق الكواليس اللي عشتها في حياتي .. مكنش مجرد لوكيشن تصوير .. كنا عيلة حقيقية بنخاف على بعض وبنسند بعض في كل لحظة.
تابعت: مريم أبو عوف .. الأستاذة، المايسترو والأخت اللي بتطبطب برؤيتها .. شكراً على اهتمامك "المرعب" بكل تفصيلة وشكراً إنك خلقتي لينا عالم آمن ومريح قدرنا نطلع فيه كل مشاعرنا بصدق .. المنتج الغالي عبد الله أبو الفتوح .. شكراً ليك على احترافيتك وتوفير كل سبل النجاح عشان نطلع عمل محترم ومختلف يليق بجمهورنا العظيم.
أضافت: زمايلي وإخواتي المبدعين .. هتوحشوني أوي وبحبكم فوق ما تتخيلوا، بجد كنتوا طاقة حب مابتخلصش، السعدني .. أخويا وعشرة العمر ورفيق الرحلة .. الكلام في حقك مش كفاية ودايماً وشنا حلو على بعض وبنطلع أحلى ما عندنا سوا .. يارب دايماً ناجحين مع بعض، كل طاقم العمل .. بشكركم واحد واحد من قلبي .. أنتوا بجد عيلتي اللي بفتخر بيها وبحترم تعبها وشطارتها.
وإختتمت: رسالة خاصة من جوه قلبي لكل حد ربنا اختبره بالمرض .. أنتم الأبطال الحقيقيين .. ابتلاء كبير بس أنتوا قدها .. إحنا بنتعلم منكم الصبر والقوة والرضا .. كلنا في ضهركم وبندعمكم وبإذن الله ربنا يكتبلكم الشفاء التام.
اترك تعليق