رئيس مجلس الإدارة
طارق لطفى
رئيس التحرير
أحمد سليمان
تامر حسنى: متضيعش عمرك على مواقف متستاهلش
حرص النجم تامر حسنى على توجيه رسالة دعم وتشجيع لجمهوره ومحبيه عبر منصات السوشيال ميديا.
شارك تامر حسنى تدوينة عبر حسابه الرسمى بموقع فيسبوك وكتب: صباح الورد حبايبى .. سمعت تحليل عظيم أحب أنقلهلكم جايز يفيدكم بس ركزوا فيه جدا ربنا سبحانه وتعالى بيخلقك ويديك هديه 5 مليار دقة قلب مثلاً لو هتعيش ل 75 سنه أو 80 شوف بقى تقريباً أنت ضيعت منهم 2 ملیار ونص خلاص فا تيجى بعد شوية تقول لنفسك أيه دة !! هل المواقف اللى عيشتها دى كانت مستاهله أضيع عليها من عمرى كل الدقات دى !؟ فا أنت أو إنتى من دلوقتى قولوا لنفسكم.. هل القصة دى أو الزعل ده أو المشكله دى هتاخد من حياتى مثلاً 20 الف دقة قلب .. هل تستاهل؟ المقصود إنك متضيعش عمرك ودقات قلبك على حاجات متستاهلش الدقات اللى بتروح مبترجعش تاني.
تابع: دائماً بقول إن اللى صاحى دلوقتى والكلام وصله أو وصله بعدين يبقى فعلاً هو محتاج يسمع الكلام ده عشان يتقدم ويغير فى نفسه لأن فى حاجات حلوه مستنياه وميبصش للماضى عشان محدش هيعرف يمشى لقدام وهو باصص لورا أكيد هيقع أو هيمشى غلط بص قدامك ركز فى ورقتك وحالك مش حال الناس مستنيك نجاح كبير روحله ومتضيعش وقتك ودقات قلبك فى حاجات متستاهلش.
اترك تعليق