رئيس مجلس الإدارة
طارق لطفى
رئيس التحرير
أحمد سليمان
أول تعليق من محمد إمام على حريق موقع تصوير "الكينج"
علق النجم محمد إمام على الحريق الذي نشب بموقع تصوير مسلسله الرمضانى القادم الكينج.
شارك محمد إمام صورة من كواليس المسلسل عبر حسابه الرسمى بموقع إنستجرام وعلق: قدر الله وما شاء فعل والحمد لله على كل شئ .. حريق كبير في لوكيشن تصوير مسلسل الكينج في ستوديو مصر.
تابع: منطقة كاملة معمولة على أعلى مستوى .. إنتاج ضخم من المنتج الكبير عبد الله أبو الفتوح .. و ابداع من مهندس الديكور تامر اسماعيل و مجهود كبير من اشطر المهندسين والعمال .. بس ربنا أراد اللي حصل والحمد لله فوق كل ده إن الإصابات كانت خفيفة وكل فريق العمل بخير.
أضاف: شكر كبير لوزارة الداخلية وقوات الدفاع المدني على مجهودهم وسط الحريق الضخم و كميات خشب ومواد سريعة الاشتعال .. وشكر خاص للمنتج محمد السيد و فريقه وحوش الإنتاج اللي دخلوا جوه النار حرفيًا علشان يحاولوا ينقذوا أجهزة ومعدات و ملابس .. ناس بتحب شغلها بجد وبتضحي بنفسها عشانه".
واختتم: وأخيراً .. شكر من كل قلبي لكل الناس والنجوم اللي كلموني واطمّنوا عليّ وعلى فريق العمل … ربنا يديم المحبة ويحفظ الجميع .. اللي حصل اختبار صعب في وقت صعب .. بس ثقتنا في الله كبيره و إن شاء الله مكملين .. دعواتكم لينا و لكل فريق عمل مسلسل الكينج .. استنونا في رمضان٢٠٢٦ إن شاء الله.
اترك تعليق