رئيس مجلس الإدارة
طارق لطفى
رئيس التحرير
أحمد سليمان
مي عمر من الأهرامات: افتتاح المتحف المصرى الكبير لحظة هنعيش فيها فخر
أبدت الفنانة مي عمر عن مدى انتظارها للحظة افتتاح المتحف المصري الكبير.
حيث كتبت مي عمر عبر حسابها على موقع فيس بوك، قائلة: "من وأنا طفلة صغيرة، كان عندي حلم أزور الأهرامات وأحس بعظمة المكان ده وفعلا زرتها لأول مرة من أكتر من 20 سنة، وقتها كانت لحظة سحرية عمري ما نسيتها".
وأضافت مي عمر: "النهاردة، بعد كل السنين دي، رجعت أزور الأهرامات من تاني.. ومن اللحظة الأولى انبهرت بالتطور الرهيب اللي شفته، شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا، لكن كمان حاضرنا اللي بنفخر به".
واختتمت مي عمر قائلة: "وده كله بفضل المجهود الكبير اللي اتعمل، والقيادة اللي آمنت إن مصر تستحق تكون في المكانة دي كل التقدير والاحترام لفخامة الرئيس عبد الفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة، شكرًا لأنك رجّعت لمصر هيبتها، وجمالها، ومكانتها اللي تستحقها، مستنية من كل قلبي لحظة افتتاح المتحف المصري الكبير.. لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله مصرية وأفتخر".
اترك تعليق