رئيس مجلس الإدارة
طارق لطفى
رئيس التحرير
أحمد سليمان
سائق تاكسى يخطف الأنظار بالغردقة.. بعد إعلانه الترشح
في مشهد كله بساطة وصدق، أعلن سائق التاكسى عادل أحمد عبد الرحيم ترشحه لانتخابات مجلس النواب عن دائرة الغردقة ورأس غارب رقم 2 زمز المدفع بمحافظة البحر الأحمر، وسط تفاعل كبير من الأهالي اللي شافوا فيه نموذج لابن البلد الجدع اللي حاسس بالناس وبيتكلم بلغتهم.
عادل قال في تصريحاته إنه قرر يدخل الانتخابات علشان يخدم الناس اللي "بتعاني ومفيش خدمات كفاية"، وأضاف: "أهلنا ربونا نساعد الناس ونقف جنبهم دايمًا، وأنا نفسي أساعد الشباب العاطل وأوفر لهم فرص شغل، ونشوف مشاكل الناس ونحلها، ونقف مع المريض في علاجه".
وأكد كمان إنه ناوي يدرس القوانين ويختار اللي يفيد الناس كلها، مشيرًا إن ترشحه عن الغردقة نابع من حب حقيقي للمدينة اللي عاش فيها عمره كله، وقال: "أنا رشحت نفسي بالغردقة لأنها بلدي وحبي، وعشت فيها طول عمري".
المرشح عادل أحمد عبد الرحيم خطف الأنظار النهارده وكان من أبرز الوجوه اللي قدمت أوراقها، بسبب طموحه الكبير وأمله في النجاح، ورسالة واضحة إنه داخل البرلمان علشان الناس مش علشان المنصب.
اترك تعليق