رئيس مجلس الإدارة
طارق لطفى
رئيس التحرير
أحمد سليمان
- ترامب: اتفاق شرم الشيخ لوقف إطلاق النار في غزة صفقة تاريخية
- ترامب يعلن زيارة إسرائيل ومصر وتسليم الأسرى الإسرائيلين يوم الإثنين
- ترامب يعلن فرض رسومًا جمركية إضافية بنسبة 100% على الواردات الصينية
- ليلى علوي: حب الناس أكبر تكريم.. وسعيدة بأن دورة مهرجان الإسكندرية تحمل اسمي
- سامح حسين: هنلف بمسرحية «وحيد في المنزل» كل محافظات الجمهورية
رانيا فريد شوقي: «إسكندرية ليها مكانة خاصة في قلبي»
تحدثت الفنانة رانيا فريد شوقي عن حبها الكبير لمحافظة الإسكندرية، وكشفت عن ذكريات عائلية تربطها بالمدينة منذ طفولتها وحتى اليوم، مؤكدة أن الجمهور الإسكندراني يحتفظ بذكريات جميلة معها ومع والدها الفنان الراحل فريد شوقي.
وأوضحت رانيا فريد شوقي، في تصريحات تليفزيونية،: "الجمهور في إسكندرية متابع جدًا، فاكرين كل أعمالي تقريبًا، لكن أكتر الحاجات اللي بيكلموني عنها هي الأعمال اللي كنت فيها بنت البلد الإسكندرانية، زي مسلسل (الصقر شاهين) اللي كنت بتكلم فيه باللهجة الإسكندراني، وكمان فيلم (قطة في سوق السمك) اللي صورناه كله في المينا عند الصيادين".
وأضافت: "استقبال الناس كان رائع، وحبهم الكبير لفريد شوقي خلاني أحس إنهم شايليني فوق راسهم. محبتهم لوالدي ما زالت عايشة وأنا عمري ما أنسى.. فريد شوقي كان بيحب إسكندرية جدًا، وإحنا عندنا شاليه في المعمورة لحد النهارده، كنا بنقضي فيه كل الصيف بعد ما المدارس تخلص".
وعن زياراتها المتكررة للمعمورة، كشفت رانيا فريد شوقي، قائلة: "أنا هنا عشان المهرجان، فهقعد كذا يوم وعندي فرصة أروح المعمورة.. مش دايمًا بقدر أروح لما بنزل إسكندرية، بس المرة دي لازم أروح، دي بالنسبالي مش مجرد منطقة، دي ذكريات عمر".
اترك تعليق