سان سيباستيان تشيز كيك الوصفة الأصلية

وصفة تشيز كيك سان سيباستيان الأصلية واحدة من أسهل وألذ أنواع التشيز كيك,الخطوات فيما يلى:

المكونات:

500 جرام جبنة كريمي (زي فيلادلفيا)

1 كوب سكر

3 بيضات

1 ونصف كوب كريمة خفق (كريمة طبخ)

1 ملعقة صغيرة فانيليا

1 ملعقة كبيرة دقيق (أو ملعقة ونصف نشا)

رشة ملح (اختياري)

الخطوات:

سخّني الفرن على درجة حرارة عالية (220 - 230 مئوية).

بطّني قالب الكيك بورق زبدة، وخلي الورق يطلع لفوق لأن الكيك بينتفخ.

اخلطي الجبنة الكريمي مع السكر كويس لحد ما يبقى الخليط ناعم.

ضيفي البيض واحدة واحدة، وقلّبي بعد كل بيضة.

ضيفي الفانيليا ورشة ملح.

ضيفي كريمة الخفق، وقلّبي.

في الآخر ضيفي الدقيق أو النشا وقلّبي كويس.

صبّي الخليط في القالب.

ادخليها الفرن لمدة 40–45 دقيقة، لحد ما السطح يتحمّر ويبقى لونه غامق (ده طبيعي!).

اتركيها لتبرد بره التلاجة، وبعدين دخليها الثلاجة 4–6 ساعات على الأقل (أو ليلة كاملة).

طارق لطفى