رئيس مجلس الإدارة
طارق لطفى
رئيس التحرير
أحمد سليمان
ياسر جلال عن " جودر 2" : " اتمنى ينال اعجاب الجمهور"
أكد الفنان ياسر جلال، أن مسلسل جودر 2 مسلسله الوحيد في موسم دراما رمضان 2025 متمنيا ان ينال اعجاب الجمهور بعد نجاح الجزء الأول من العمل.
وأعرب ياسر جلال عن سعادته بـ انتهاء تصوير الجزء الثاني من مسلسل جودر، والمقرر عرضه في السباق الرمضاني 2025، وذلك بعد النجاح الكبير الذي حققه الجزء الأول في السباق الرمضاني الماضي 2024.
وقال ياسر جلال، في بيان له: " النهاردة آخر يوم تصوير في مسلسل جودر، وأنا عايز أحمد ربنا سبحانه وتعالى على النجاح الكبير اللي ربنا إداه لينا من الجزء الأول، المسلسل ده من شهر 6 2022، والنهاردة خلصناه في شهر 12 2024، النجاح ده السبب فيه ربنا وإسلام خيري المخرج وأستاذ أنور عبد المغيث الكاتب، ومن قبلهم الشركة المتحدة أستاذ محمد السعدي وأستاذ تامر مرتضى".
وتابع ياسر جلال قائلا: "أنا بتوجه بالشكر لكل عناصر العمل وأستاذ تيمور تيمور، وأستاذة منى التونسي، أحمد فايز، وحسن أبو جبل، وكل مساعدين الإخراج والمونتاج، كان في جيش، وطبعًا كل النجوم الأساتذة، الفضل بعد ربنا في هذا النجاح يرجع لكل فريق العمل اللي أخلص في عمله كتير".
وتابع حديثه قائلا: "أنا اتشرفت أني كنت جزء من الفريق الكبير ده، وربنا يكلل مجهودنا أن الجزء الثاني ينجح زي الجزء الأول، وكل الشكر للنقاد اللي دعمونا وبشكر كل فريق العمل وهما على رأسي من فوق، والفضل كله يرجع لكل فريق العمل مش لشخص واحد، وعلى رأسهم أستاذ إسلام خيري".
اترك تعليق