رئيس مجلس الإدارة
طارق لطفى
رئيس التحرير
أحمد سليمان
مديحة حمدي تكشف رد الشعراوي على الفن: "حلاله حلال وحرامه حرام"
كشفت الفنانة مديحة حمدي كواليس الزيارة التي قامت بها للشيخ محمد متولي الشعراوي، وسألته عن الفن وهل المال الذي تكسبه منه حلال أم حرام.
وأضافت الفنانة مديحة حمدي: "لما روحت المقابلة مع الشيخ الشعرواي مع الحاجة ياسمين الخيام سألته يا مولانا عايزة أعرف شغلي حرام ولا حلال عشان يطمئن قلبي، وقاللي حلاله حلال وحرامه حرام".
وأضافت مديحة حمدي: "تحاورنا مع مولانا عن الغناء، وقال فيه حلال وفيه غير المستحب".
تحدثت مديحة حمدي خلال اللقاء عن اتجاهها للملابس المحتشمة بتأثير من نشأتها والطريقة التي رباها والدها بها قائلة: "الحجاب أولا فرض لا خلاف عليه، وأنا بدأت أدخل على ديني برفق من سن 13 و 14 سنة، ولقيت نفسي الكم ابتدى يطول شوية شوية".
وأضافت: ""أنا بحب جمهوري وأشكر ربنا إني محبوبة منهم، وعلشان كده حريصة دايما أبقى موضع احترامهم".
وتابعت: "لما احترفت التمثيل في السكرتير الفني، أبويا قاللي اسم أبوكي وإخواتك أمانة معاكي، ولما اتخطبت لضابط شرطة قاللي أنا عايز أتزوج وأعمل بيت، وعارف إني خاطب فنانة ومش عايزك تبعدي عن الشغل، لكن من فضلك ما تخليش ضابط زميلي في يوم يرميلي مجلة على المكتب فيها صورة مش لطيفة".
واختتمت مديحة حمدي باستعادتها ذكريات خاصة مع الحجاب وقت زلزال 1992 قائلة: "أنا تحجبت في رمضان 1992، ولما حصل الزلزال كلنا جرينا على السلم وافتكرت طرحتي، عايزة أقابل ربنا وأنا عاملة فرض من فروضه".
اترك تعليق