رئيس مجلس الإدارة
طارق لطفى
رئيس التحرير
أحمد سليمان
آية سماحة:اتعشيت أسبوع لازنيا وسكلوب والناس طلعت عليّ شائعة الحمل
حرصت الفنانة آية سماحة على الكشف عن أغرب شائعة تعرضت لها.
وأكدت آية سماحة قائلة: "أنا طلع عليّ إشاعة إن أنا حامل، أنا اتعشيت أسبوع جامد، اتعشيت لازنيا وسكلوب 6 7 مرات، دا اللي تخني بس بخسهم بسرعة جدا".
خايفة من الإنجاب والقرار مؤجل حاليًا
وأضافت: قرار الإنجاب مؤجل بالنسبة لي، خايفة جدا، مسئولية مش كل حد مؤهل ليها خالص، ممكن أجي الحياة وأمشي وأنا معملتهاش ودا مش تقصير مني، هي فكرة إن كل واحد قادر يعمل دا ولا لأ، ولحد دلوقتي حاسة إنه لأ.
وتابعت آية سماحة: هذه الخطوة لها تحضيرات كثيرة جدا، لازم أبقى واقفة على أرض صلبة، مش الخطوة التالية بعد الزواج هي الإنجاب، ولازم أبقى فاهمة البني آدم دا أنا هديله إيه، هل أنا مبسوطة ولا لأ، هو هيبقى تمام ولا لأ، معرفش كلها أسئلة صعبة يعني مقدرش أجاوب عليها دلوقتي فقولت لأ مش هعمل كدة.
واختتمت آية سماحة حديثها قائلة: "أنا مدية الشغلانة كتير أوي، وأكيد كل حاجة ليها وقتها وهتيجي في الوقت اللي ربنا شايفه صح".
اترك تعليق