رئيس مجلس الإدارة
طارق لطفى
رئيس التحرير
أحمد سليمان
- الرئيس السيسى يجدد الدعوةللرئيس التونسى للمشاركة بافتتاح المتحف الكبير
- الرئيس السيسي يوجه بترسيخ دور مصر كمركز إقليمي للطاقة في شرق المتوسط
- تفاصيل زيارة وفد وزارة التعليم لمحافظة المنوفية
- رئيس الوزراء يستقبل نظيرته التونسية بمطار القاهرة الدولي
- وزير الإسكان يترأس اجتماع اللجنة التنسيقية العليا لمتابعة العمل بالمدن
ريهام سعيد عن عبير صبري: قالتلى انتى دراما كوين ومش هكلمها تاني
حرصت الإعلامية ريهام سعيد على مهاجمة الفنانة عبير صبري، وذلك بعد موقف حدث بينهما دفعها لقول إنها لا تريد التحدث معها مرة أخرى.
وكشفت ريهام سعيد في تصريحات تليفزيونية عن نجمات وقفن معها في أزمتها الأخيرة بعد اتهامها لطبيب تجميل بتشويه وجهها وظهورها بشكل مختلف، وما فعلته معها عبير صبري.
ريهام عبد الغفور ملاك
وقالت ريهام سعيد: "أكتر حاجة أنا كسبتها في الأزمة دي هي الفنانين اللي مكنش ليا علاقة بيهم وبقوا أصحابي جدا دلوقتي، وكلهم عندهم خلق غير طبيعي يعني أنا عشان أجيب نمرة حد معرفوش وأكلمه وأسانده وأفضل أكلمه مرة واتنين وتلاتة، وأديله نمرة دكتور دي ناس كويسة أوي، يعني ريهام عبد الغفور كنت أعرفها من قبل لكن مش قريبين زي دلوقتي ست محترمة أنا مسمياها ملاك، وريهام حجاج، ورضوى الشربيني حاولت تشوفلي دكتور يمكن لما آخر مرة ودتني لدكتور وعرفت أن مفيش حل بطلت تتواصل أوي".
دراما كوين
وأضافت ريهام سعيد: " لما بقابل ناس كتير بيشجعوني ويقولولي إنتي قمر، مفيش غير واحدة بس جرحتني جرح فظيع مش المفروض أقول اسمها إحنا أصحاب واشتغلنا مع بعض، هي قابلتني وقالتلي كلمة ضايقتني أوي، قالتلي ما إنتي كويسة أهو، كنت رايحة حفلة على البحر وشفتها أنا الوحيدة اللي حاطة مكياج، قالتلي ما إنتي كويسة أهو إنتي دراما كوين بتحبي تعملي دراما، أنا سبت الحفلة وركبت عربيتي وفضلت أعيط".
وتابعت ريهام سعيد: "كنت عايزة أقولها لو تعرفي كم الألم اللي فيا وإنتي بتحافظي على نفسك ووشك أوي، هي عبير صبري بقول اسمها عشان أنا مش عايزة أكلمها تاني، مش من واجب حد أنه يقف جنبي لأن مفيش حاجة يقدروا يعملوهالي لكن إن تقل خيرا أو لتصمت لو مش قادرة أدعمك متقوليش إنتي دراما كوين، أنا عملت دراما قبل كده في إيه أنا واحدة اتسجنت ومطلعتش بعدها أعيطلكم وقفت سنة ورجعت أقوى من الأول، عندي كم من حاجات اتظلمت فيها أوي وعمري ما فتحت الموضوع فين أنا دراما كوين؟".
اترك تعليق