رئيس مجلس الإدارة
طارق لطفى
رئيس التحرير
أحمد سليمان
حازم إيهاب: غطوني بـ70 بطانية خلال تصوير "انترفيو" وكنت بترعش
حرص الفنان حازم إيهاب، على كشف تفاصيل شخصيته في مسلسل انترفيو الذي يلعب بطولته مع الفنانة رنا رئيس وخالد شباط.
* حازم إيهاب عن مسلسل انترفيو: معملتش الدور ده قبل كده.. وWatch IT خرجت أجيال جديدة
* حازم إيهاب مازحًا: أحمد السقا والعوضي محتاجين يقلقوا مني لأني داخل سوق الأكشن بقوة
وأكد حازم إيهاب أن مشاهد الأكشن أصعب ما واجهه خلال المسلسل، وستضح ملامح الأحداث المثيرة حلقة تلو الأخرى لمعرفة ما تخفيه الشخصية .
دوري كله أكشن وشاهين يملك مفتاح فى المسلسل
وأضاف: المسلسل خلصان بقاله كتير اوي في شهر 10 السنة اللي فاتت وبدانا تحضيرات من قبلها على طول وكلمني المخرج أحمد خالد أمين وقرات الورق وحسيت إني عمري ما عملت دور زي ده قبل كده، دور مليان مشاهد فيها أكشن وفرهدة وحسيت إن شاهين بيملك مفتاح في المسلسل، وهو الكائن الغامض ووراه حاجة لازم نفهمها.
وتابع: معظم الأدوار اللي اشتغلتها قبل كده كان فيها لايت كوميدي وبطلع أهزر وروش وشاهين عكس كده تمامًا.
البرودة الأصعب فى كواليس تصوير المسلسل
أما عن الصعوبات التي واجهها حازم خلال التصوير، قال: كنا بنصور في صحراء والمايه والمطر كنا بنغرز وبنقع وعمال يتفاقم مننا ومش عارفين نلمه وفيه زوايا لازم تتاخد وكنا بنعيد كتير، وكان الجو برد جدًا وبترعش وعمالين يغطوني بـ 70 حاجة ورا بعض، وطلعت بخبرة كبيرة من العمل ده، وطلعت من العمل عارف إني ممكن أعمل أكشن في يوم من الأيام، وحبيت الأكشن.
واختتم مازحًا: متهيألي أحمد السقا أو أحمد العوضي محتاجين يقلقوا شوية لأني داخل السوق بقوة جدًا، وطبعًا بهزر، دول أخواتي.
اترك تعليق