رئيس مجلس الإدارة
طارق لطفى
رئيس التحرير
أحمد سليمان
أصيب بقصور فى الشريان الدائري
محمد التاجي تريند.. قصة مرض رفرفة أذينية أصابه في القلب
تصدر النجم محمد التاجي التريند على جوجل، وذلك بعدما تحدث عن تفاصيل المرض الذي يعاني منه منذ ما يقرب من عامين.
حيث نشر محمد التاجي مقطع فيديو عبر حسابه الرسمى بموقع فيسبوك وعلق قائلًا: طالع أقولكم خدوا عظة من اللي جرالي مش عايز حد يزعل أو يغضب أوي فياخد كله على صدره، لأني الفترة اللي فاتت بسبب الضغط العصبي والنفسي في ظرف 15 يوما حصل تغيرات غريبة في جسمي.
إصابة محمد التاجي بمرض رفرفة أذينية في القلب
وأضاف: أنا أساسا عندي مرض اسمه رفرفة أذينية في القلب، وعملت رسم قلب والطاقم الطبي قالي الدنيا ماشية بس عايزين نعملك قسطرة عشان فيه بؤرة جنب ضفيرة القلب اللي بتعمله نبضات بتلخبطه.
قصور فى الشريان الدائري
وتابع محمد التاجي: "بقالي سنة ونص أو سنتين داخل وخارج من أوضة العمليات، ولما حطيت نفسي في ضغط تاني وروحت للدكاترة اكتشفوا اني حصلي قصور في الشريان الدائري ومحتاجين يعملوا قسطرتين واحدة عشان ضفيرة القلب والتانية عشان الشريان، على الرغم إني لا مدخن ولا عندي كوليسترول في الدم ولا حاجة".
وأشار: أنا بقولكم مفيش حاجة في الدنيا تستاهل إننا نوصل نفسنا لضغط ومهما اضغط علينا من الآخرين إنك توصل لمرحلة تمرض نفسك بنفسك من كتر التفكير والضغوط والعصبية اللي جواك يحصلك حاجة.. خففوا على نفسكم متاخدوش كل حاجة على صدركم .. أنا عارف مين حطني في المواقف دي، مش هقول منهم لله ولا هدعي عليهم.. أنا مسامحكم والعفو عند المقدرة واللي مكتوبلي في الدنيا دي أنا هشوفه على الأقل في الفترة اللي فضلي في الدنيا دي أننا نعيشها في سلام .. الله يقويني على الوضع اللي أنا فيه ودعواتكم ليا.
اترك تعليق