رئيس مجلس الإدارة
طارق لطفى
رئيس التحرير
أحمد سليمان
رانيا فريد شوقي: "مش روميو وجوليت" .. أتعبتنا جداً
قالت النجمة رانيا فريد شوقي انها سعيدة بوقوفها علي خشبة المسرح القومي بعد غياب سنوات ووضع يافطة "كامل العدد" من أول ليلة لعرض مسرحية "مش روميو وجوليت" وعلقت "فرحانة اوي ان الجمهور كبار وشباب ماليين المسرح معانا كل يوم.
وتضيف: مفيش نجاح من غير تعب وشقا.. احنا بدأنا الشغل من حوالي 10 شهور ما بين تحضيرات وبروفات وتسجيل الأغاني.. أنا قدمت مسرحيات استعراضية لكن تجربة "مش روميو وجوليت" هي الأصعب لأنها معتمدة اساسا علي الأغنية والاستعراض.. مبسوطة اني ألتقي مرة اخري مع المطرب الكبير علي الحجار بعد اشتراكنا من سنوات في مسرحية "اللهم اجعله خير" علي المسرح الكوميدي.. لكن الوقوف علي خشبة القومي حكاية تانية خالص.. دا مسرح أساتذتنا اللي حبينا المسرح من كتر حبنا فيهم.
وتقول النجمة رانيا فريد شوقي: العمل مع المخرج عصام السيد إضافة كبيرة جدا.. باعتباره مدرسة مهمة في عالم الاخراج المسرحي. وكنت حريصة أكون تلميذة مجتهدة معاه.. وفاجأته اني حصلت علي تدريبات في الصوت مع أستاذة في معهد الموسيقي عشان أدرب نفسي علي أداء الأغاني بشكل جيد.. والحمد لله ان تعبنا كلما كان نتيجته الاقبال الرائع من الجمهور.. وكنت فرحانة جدا لما بدأنا العرض من تاني أيام عيد الاضحي ان الناس احتفلت معانا بالعيد بحضورهم المسرحية لدرجة ان إدارة المسرح بتحط يافطة "كامل العدد" كل ليلة حتي الآن.
شارك في بطولة مسرحية "مش روميو وجوليت" مع رانيا فريد شوقي وعلي الحجار كل من عزت زين وميدو عادل ودنيا النشار. معالجة مسرحية لمحمد السوري. وهي مأخوذة عن المسرحية العالمية "روميو وجوليت" لويليام شيكسبير.
اترك تعليق