رئيس مجلس الإدارة
طارق لطفى
رئيس التحرير
أحمد سليمان
أحمد سعد يعلق على سبب انفصاله عن علياء بسيوني
علق النجم أحمد سعد على الأسباب وراء انفصاله عن زوجته علياء بسيوني وذلك خلال لقائه ببرنامج Sold Out تقديم الإعلامي محمود سعد.
صرح أحمد سعد قائلاً: علياء هي الزوجة الرابعة لحد دلوقتي وأنا كدة تمام مش عايز أتجوز تاني .. علياء كانت من أعظم القوى في حياتي .. عملتلي كل التغيير في حياتي.
تابع: أنا عندي وجهة نظر أن الست هي المحرك الرئيسي والأساسي للراجل .. أي راجل كان عظيم كانت الست دافع ليه وأي راجل كان فاشل كانت الست اللي خلته كده.
أضاف: هي عملت إيه .. هي ست لا تكل ولا تمل هي شايفة أن ده الصح هتقولك لازم تعمله .. الست عندها قدرة مهولة في الزن .. عندها هدف هتعمله يعني هتعمله .. هتيجي تقولك أنت مخرجتنيش وتفضل تكررها فخلاص هتخرجها .. الست عندها القدرة دي .. ولو القدرة دي اتحولت لإيجابيات .. أنا في الأول لما كنت بسمع منها كنت بقول أنا عارف أنا بعمل إيه وسيبيني أنا هقرر .. تيجي تاني يوم وأقولها خلاص .. كان عندها صبر مهول وأعتقد الصبر ده موجود عند كل الستات لكن استخدامه ساعات بيبقى نكد .. عن تجربتي أنا كانت اختياراتي غريبة جدا .. بس كان عندي حاجة مهمة لما بلاقي نفسي في حتة وحشة أختار الشخص اللي استند عليه وأسلم له دماغي .. أنا شايفه هو اللي بيقرر وسايبه .. كنت سايبها هي تعمل وتقرر كل حاجة في الشغل وشفت نتيجة كلامها ونجاحنا سوا.
وإسكمل حديثه قائلاً: اللي حصل بعد كده ابتدى يبقى الشغل كتير وهي حبت الشغل معايا .. ابتدى الشغل ياخد من حياتنا الأسرية .. هي شخص مجتهد ومحترم جدا، أنا قعدت أجاهد عشان حياتنا الشخصية ولو أنا أناني كنت كملت حياتي لأن أنا الوحيد المستفيد.
اترك تعليق